影片
更多
2021-12-17
19 瀏覽
好多時sell懷舊老香港嘅餐廳我都會提高警惕，顧得主題就顧唔到味道似乎係定律，但今晚打破晒我既定印象，用料靚、定價又親民，啱晒我呢啲麻煩友。冬甫美人鍋 ($198)塞滿左雜菜冬瓜同半隻雞，仲有桃膠同竹笙，啱晒女仔口味得黎好足料，基本上唔使點叫菜都夠食。 湯底好濃郁似老火湯，好多時經歷咗各式肉類嘅洗禮之後湯底都油到爆，欣賞店員好主動幫手撇油，我唔怕死撇油之後試吓飲個湯，結果停唔到口，去到尾段都仲係老火湯嘅味道唔會咸，就知道有幾正。特級手切牛肉 ($368)不諱言我每次打邊爐最着重都係碟牛肉，每次都會做足功課睇定邊款最好食，好開心今晚可以一擊即中。 淨係睇僅僅熟喺燈光下嘅油花已經知道唔會差，入口嫩滑有牛味，最正嘅係咀嚼間感受到油脂好豐富，食咗幾舊男朋友已經話想叫多碟。梅花黑豚肉 ($108)可以話係邊爐界數一數二咁好食。 豬肉好多時怕唔熟都會煮比較耐，所以乾啲都係常見。 估唔到呢度嘅梅花黑豚肉煮到全熟再耐少少都依然好軟身，好鍾意大大塊厚度適中，係塞滿成個口嘅幸福感，重點當然係食到豬鮮味，用來做日式高級火鍋材料都唔失禮。即炸響鈴 ($58)可以話係我食過最出色嘅即炸響鈴，透薄酥脆唔油膩。 輕
冬甫美人鍋 ($198)
塞滿左雜菜冬瓜同半隻雞，仲有桃膠同竹笙，啱晒女仔口味得黎好足料，基本上唔使點叫菜都夠食。 湯底好濃郁似老火湯，好多時經歷咗各式肉類嘅洗禮之後湯底都油到爆，欣賞店員好主動幫手撇油，我唔怕死撇油之後試吓飲個湯，結果停唔到口，去到尾段都仲係老火湯嘅味道唔會咸，就知道有幾正。
特級手切牛肉 ($368)
不諱言我每次打邊爐最着重都係碟牛肉，每次都會做足功課睇定邊款最好食，好開心今晚可以一擊即中。 淨係睇僅僅熟喺燈光下嘅油花已經知道唔會差，入口嫩滑有牛味，最正嘅係咀嚼間感受到油脂好豐富，食咗幾舊男朋友已經話想叫多碟。
梅花黑豚肉 ($108)
可以話係邊爐界數一數二咁好食。 豬肉好多時怕唔熟都會煮比較耐，所以乾啲都係常見。 估唔到呢度嘅梅花黑豚肉煮到全熟再耐少少都依然好軟身，好鍾意大大塊厚度適中，係塞滿成個口嘅幸福感，重點當然係食到豬鮮味，用來做日式高級火鍋材料都唔失禮。
即炸響鈴 ($58)
可以話係我食過最出色嘅即炸響鈴，透薄酥脆唔油膩。 輕輕淥三秒，稍為吸到湯汁，同時又好似食緊炸物咁嘅口感，非常完美。 難怪配左兜甜酸汁，其實直接食都唔過分。
張貼
