影片
更多
2023-08-11
2394 瀏覽
呢晚嚟咗呢間叫做ocio嘅餐廳食晚飯 ocio原來係西班牙文 解作休閒☺️ 所以餐廳風格都俾人一種好舒適嘅感覺 牆身嘅壁畫仲有啲文青風添✌🏻是日餐湯今日係西式嘅雜菜湯🥕 入面仲有芹菜 椰菜等嘅配料 都幾多材料喺入面 芝士焗扇貝龍蝦汁雜海鮮意大利麵呢個扇貝都幾吸睛🥰 大大粒嘅嘅扇貝肉配埋佢嘅芝士醬真係好夾 底下嘅意大利麵用上濃郁嘅龍蝦汁 仲有入面有魷魚 蝦仔等 意粉幾有咬口🍝老虎蝦日式咖哩雜海鮮燴飯呢碟幾有驚喜🤪 呢個燴飯用上有少少辛辣嘅日式咖哩🍛 冇諗過呢個飯份量有咁多 入面有蝦仔同埋魷魚等嘅海鮮🦑 入面仲有翠玉瓜嘅爽脆口感 面頭兩隻虎蝦燒得好香 而且大大隻 蝦肉又彈牙🦐 飲品晚餐仲包括一杯$33嘅飲品 其他飲品只需補差價💰 我同友人嗌咗兩杯唔洗補錢嘅茶 熱香草洋甘菊同埋熱茉莉綠茶🍵 幾鍾意佢隻杯 保溫效果一流喺呢度可以同友人輕輕鬆鬆食吓飯 傾吓計 檯與檯之間都有返咁上下距離 真係幾舒服㗎😎
呢晚嚟咗呢間叫做ocio嘅餐廳食晚飯 ocio原來係西班牙文 解作休閒☺️ 所以餐廳風格都俾人一種好舒適嘅感覺 牆身嘅壁畫仲有啲文青風添✌🏻
是日餐湯
今日係西式嘅雜菜湯🥕 入面仲有芹菜 椰菜等嘅配料 都幾多材料喺入面
芝士焗扇貝龍蝦汁雜海鮮意大利麵
呢個扇貝都幾吸睛🥰 大大粒嘅嘅扇貝肉配埋佢嘅芝士醬真係好夾 底下嘅意大利麵用上濃郁嘅龍蝦汁 仲有入面有魷魚 蝦仔等 意粉幾有咬口🍝
老虎蝦日式咖哩雜海鮮燴飯
呢碟幾有驚喜🤪 呢個燴飯用上有少少辛辣嘅日式咖哩🍛 冇諗過呢個飯份量有咁多 入面有蝦仔同埋魷魚等嘅海鮮🦑 入面仲有翠玉瓜嘅爽脆口感 面頭兩隻虎蝦燒得好香 而且大大隻 蝦肉又彈牙🦐
飲品
晚餐仲包括一杯$33嘅飲品 其他飲品只需補差價💰 我同友人嗌咗兩杯唔洗補錢嘅茶 熱香草洋甘菊同埋熱茉莉綠茶🍵 幾鍾意佢隻杯 保溫效果一流
喺呢度可以同友人輕輕鬆鬆食吓飯 傾吓計 檯與檯之間都有返咁上下距離 真係幾舒服㗎😎
張貼
