鉄人大盛 (已結業)

今日OT 到八點幾先收工，同朋友決定一齊食餐好，好好慰勞一下自己。今次揀左鐵板燒放題店：鉄人大盛呢間餐廳除左同放題店一樣有好多野食選擇之外，佢特別之處係可以睇住廚師係你面前燒野食，別有一番風味。牛柳粒同燒牛，係正我地燒，即燒即食，熱辣辣，生熟程度岩岩好。壽司類，特別推介火炙系列，帶子好鮮甜，牛亦唔錯，入口即融。刺生，睇落好新鮮，朋友表示有質素。芝士帶子，呢個好好味，帶子配芝士異常地夾，encore左兩次。鵝肝多士平時放題無見過，又係必encore。羊架質感夠lum，好好咬口。炸物，天婦羅蝦加炸蠔牛舌同台灣腸竟然有Hoegaaren飲，正！野飲仲有好多其他選擇。雪糕係哈根大師，仲要有六隻味揀，不得了，唔食多兩杯真係對唔住自己。呢餐性價比真係好高，好滿足。