金羅寶韓國料理

營業中

休息中

喺大概二十年前，香港嘅韓風仲未吹得咁勁，講緊係連《大長今》都未面世嘅時候，銅鑼灣嘅金羅寶韓國料理就已經出現，金羅寶韓國料理嘅賣點唔係大隻oppa店員，反而係有質素嘅韓國餐食，所以多年來仍屹立不倒，深多大眾喜愛。以前喺銅鑼灣返工嘅A姐主要嚟金羅寶食午餐，今日佢就帶我嚟試試佢嘅晚餐啦。泡菜一坐低，店員就送上10碟泡菜，款式之多真係好少見。款款都夠晒開胃！牛肋骨湯牛肋骨有四大舊，夠晒軟腍，而湯底嘅蛋花湯，清清哋仲帶有淡淡嘅牛肉香味。牛肉石鍋雜錦飯熱辣辣嘅石鍋飯，聽到啲滋滋聲，真係好治癒！店員仲會按我哋嘅喜好加入韓式辣醬，幫我哋撈勻。牛肉份量唔少，而拌上蛋黃同韓式辣醬嘅飯底，味道香濃，仲有少少飯焦，好滿足。什錦海鮮辣麵海鮮有蝦、青口同蜆，湯底微辣，但香味十足。細心位係用上韓式烏冬，口感Q彈，掛湯一流。