影片
更多
2024-12-16
181 瀏覽
一向都好鍾意食蠔，不論係生蠔抑或熟蠔。日本蠔就係我至愛，飽滿又鮮味😚😚之前去過位於銅鑼灣嘅牡蠣小屋，食過佢招牌嘅鐵盒焗生蠔覺得好正好特別😆於是呢日再次拜訪。最近佢哋新推出一系列沖繩特色料理，其他居酒屋少見，想嘗嘗鮮就可以試吓🤪呢度氣氛超級好，老闆每晚都會請全場飲sake，聽老闆敲鼓然後一齊乾杯，好開心🥳食食下仲high，吧台師傅突然興起話要請大家食嘢，同所有食客玩遊戲，贏咗佢就可以有超震撼嘅滿瀉三文魚子杯，見到都開心🤣🤣🐙魷魚納豆 $68鍾意重口味嘅人可以挑戰下，食落又無想像中咁重發酵味，被魷魚漬嘅味道平衡返。🦀蟹肉水雲醋 $78酸酸咪咪幾開胃嘅前菜，水雲菜上鋪上不少新鮮蟹肉。🦪沖繩香檸汁生蠣 $178/3pcs嚟到呢度一定要食生蠔，一定有水準。生蠔口感幾爽滑，帶少少礦物質味，加上酸酸咪咪嘅沖繩香檸啫喱都唔錯。🍢魷魚苦瓜天婦羅 $118好多蔬菜做嘅天婦羅我都食過，苦瓜真係第一次試，充滿沖繩風味。苦瓜甘甘地幾爽口。魷魚則大大塊，外脆內煙韌。🫑苦瓜炒 $88提起沖繩料理點少得苦瓜，呢度就像雞蛋、芽菜等同苦瓜一齊炒，帶甘嘅苦瓜加上厚身又滑嘅炒蛋，估唔到都夾到。側邊仲有午餐肉條，真係幾有沖繩料
🐙魷魚納豆 $68
鍾意重口味嘅人可以挑戰下，食落又無想像中咁重發酵味，被魷魚漬嘅味道平衡返。
🦀蟹肉水雲醋 $78
酸酸咪咪幾開胃嘅前菜，水雲菜上鋪上不少新鮮蟹肉。
🦪沖繩香檸汁生蠣 $178/3pcs
嚟到呢度一定要食生蠔，一定有水準。生蠔口感幾爽滑，帶少少礦物質味，加上酸酸咪咪嘅沖繩香檸啫喱都唔錯。
🍢魷魚苦瓜天婦羅 $118
好多蔬菜做嘅天婦羅我都食過，苦瓜真係第一次試，充滿沖繩風味。苦瓜甘甘地幾爽口。魷魚則大大塊，外脆內煙韌。
🫑苦瓜炒 $88
提起沖繩料理點少得苦瓜，呢度就像雞蛋、芽菜等同苦瓜一齊炒，帶甘嘅苦瓜加上厚身又滑嘅炒蛋，估唔到都夾到。側邊仲有午餐肉條，真係幾有沖繩料理嘅特色。
🐟鮟康魚肝 $58
除咗沖繩menu，其他恆常嘅菜式都幾吸引。鮟康魚肝酸酸地，軟滑甘香。
🤍油炸豆腐伴吻仔魚 $78
豆腐中間有好多氣孔，食落去好fluffy好鬆軟，豆味清香。
🍶清酒、燒酒
老闆好熱情請我哋飲酒😛清酒帶點好易入口，燒酒就酒味濃啲。另外仲有好多款式嘅日本酒可以點。
推介指數（10分為滿分）：7.5分
張貼
