而立 (已結業)

又係一間小舖，其實地點非常方便，不過就喺個小商場入邊，未必好起眼，店內只有幾個座位，但感覺上好warm，而且可以好近距離咁同店主交流，店主好樂意分享無論關於咖啡又或者佢自身嘅少少故事😍欣賞店主Emily嘅勇氣同熱誠，無論係以前去韓國working holiday, 又甚至要喺30歲嘅時候，生命要有啲突破同不同，決定要自己創業，開咗呢間「而立」👍🏻佢用嘅咖啡豆品牌來自匈牙利，比較少見，Espresso就用佢哋嘅house blend, 手沖就用呢個品牌嘅single origin, 佢哋亦有售賣house brand嘅咖啡豆同掛耳手沖包，自己都買咗佢嘅掛耳手冲返屋企試，$18包，買五送一，覺得品質度幾唔錯，另外店裏面亦有幾款店主自己烘焙嘅bakery賣，下次去一定要試吓😋Ethiopia honey $60- 當日就試咗佢嘅Christmas special ‘Ethiopia honey’, ~ Black tea, Ginger, Lemongrass~~飲落去又真係幾有聖誕嘅感覺🥳總括嚟講，佢嘅地點其實好方便，同SOGO同一條街，店主健談又有熱誠，係一定會再去嘅咖啡店