川滿居 (京都廣場)

營業中

休息中

宜家流行食川菜，好多身邊朋友都鍾意食，而我自己都越來越食得正宗，今次就同朋友來到銅鑼灣的川滿居品嚐川菜風味。餐廳都係第一次來，皆因朋友話銅鑼灣來講，川菜做得正宗得來又抵食。我們上到來，經服務員介紹，點了三個皇牌菜式，分別係：金湯酸菜魚，京蔥羊肉（加上6塊嬤嬤皮），藤香雞。首先金湯酸菜魚做得十分地道，酸酸媚媚好開胃，魚肉大大舊又多又夠新鮮，而且口感彈牙，原來係用新鮮魚肉，不是用冰鮮的魚，難怪做到這麼好的水準。藤香雞就有少少似醉雞，無醉雞咁冰同咁重酒味，麻麻香香的味道果真做到另一款口感，前菜必選。另外就係京蔥羊肉，如果唔鍾意食羊肉的可以選擇牛肉，而我就覺得羊肉無選錯，好有羊蘇味，平時不喜歡吃蔥的 但配在一起，蔥就好似中和左羊肉，絕配，包係嬤嬤皮一起食，更為有口感。幾款招牌用來送飯就絕對一流，飯都可以食多碗，喜歡食川菜的不容錯過啦。