銀廬1933

營業中

休息中

銅鑼灣少有高端四川菜，仲係米芝蓮星級餐廳，整體餐廳風格按照Omakase經營，定期會轉菜單。每道菜都加入左花椒元素，除左加添四川獨特的風味外，仲可以祛濕，因地制宜，一舉兩得，廚師十足心意！高端食材不乏鵝肝、魚子醬同海參。其中最推薦湯同乳鴿，湯以水煮白菜方法炮製，湯水睇落非常清澈，但味道卻鮮甜濃郁，障眼法用得不錯，不愧為國宴菜色煮法。乳鴿就更加令人讚口不絕，保留乳鴿的鮮香之外，仲添加左獨特嘅四川臘制風味，一問先知，除左粵式工藝外，仲增加左四川滷水環節，味道一試難忘。侍應會仔細介紹每道菜，服務周到。唯一不足，餐廳位置有限，要訂位可能要提前一段時間