究極堂 (永光中心)

營業中

休息中

呢間丼飯真係食過一試難忘，用料非常新鮮既日本餐廳。之前知道呢間餐廳有好幾間分店，不過一路都未試過。今日去開銅鑼灣就去呢一度同朋友一齊上去試吓。佢嘅午市套餐都好抵食，選擇超級之多！最吸引我眼球嘅當然就係佢嘅丼飯，我叫咗佢最吸引嘅究極丼。見到個用料超級澎湃，仲加埋一隻蛋，放上去唔知賣相非常之吸引，而且撈落啲壽司飯食真係每一啖都好滋味！佢嘅甜蝦係超級出色，好耐冇食過咁好味咁甜嘅新鮮蝦！除咗當飯之外，呢度仲有唔少嘅配搭，我嘅朋友就叫做壽司拼盤加烏冬。烏冬彈牙美味，係稻庭烏冬，而且壽司種類都好多，每一款都好好味～而且睇得出師傅嘅功架，因為見到壽司握得好靚，唔會散開晒！仲有我哋食咗佢嘅鰻魚芝士玉子燒！普通玉子燒肉食得多，不過配埋鰻魚同芝士就真係第一次食！鰻魚同芝士個味道好夾，再加上滑捋捋嘅玉子燒，真係美味無窮啊😌臨尾仲叫咗個帶子他他，呢款炸物都唔錯，我見到呢度除咗丼飯同烏冬之外，其實都仲有好多唔同嘅串燒可以食！有機會嘅話都想嚟試吓。總括而言，呢間日本餐廳CP值好高，而且用料新鮮又美味🤤