魂 (已搬遷) 新店位置

銅鑼灣鵝頸橋底有間細細既拉麵店，門面裝潢日式風味好濃。青龍 （$99）食拉麵唔知點解對d綠色湯底有種情意結。今次既綠色係菠菜汁湯底，湯底杰身，但菠菜味真係略淡。配上半個半熟流心蛋，蛋既熟度拿捏得岩岩好。仲有肥美既叉燒，同少量既蟹肉同魚子醬，份量唔夠唔太食得出。拉麵麵質幾有咬口，唔會太糊身。整體拉麵麵質唔錯，但味道好淡口。太極 （$99） 黑色既湯底係墨魚汁配豚骨湯，湯底略為唔夠濃厚，豚肉味未為濃郁。係叉燒上面有蟹膏同金箔，蟹膏鮮甜濃郁。叉燒口感肥瘦適中。總括不過不失。