汐

營業中

休息中

最近同frd去咗銅鑼灣一間新開嘅日式料理店「汐」，環境舒適，位於高層，俯瞰城市美景，真係令人放鬆。餐廳裝潢簡約日系👍🏻我哋試咗兩款Don：黃金魷魚Don同埋北海道帶子Don。黃金魷魚Don魚量多好足料，上面嘅海鮮料都比下面嘅飯多！魷魚鮮嫩，口感滑溜，特製醬汁香濃入味，完全唔會過於油膩。米飯煮得剛好😋至於北海道帶子Don，帶子新鮮得不得了，肉質彈牙，味道甘甜。旁邊仲有清爽嘅中華沙律、粟米同青瓜，帶點酸味，清新又開胃😝再加上，呢度如果喺50分鐘內交枱，仲可以有75折優惠（店員用鐘仔計時，其實正常一定夠時間🤣），真係喺銅鑼灣嚟講一個好抵嘅選擇！