亀井鮨 (已結業)

最近嚟自日本過江龍嘅亀井鮨終於去左香港開分店啦, 車車當然要試下!分店選址銅鑼灣, 地點非常便利, 餐廳裝潢以木色為主, 除左有長長L型吧枱, 仲有卡位同靠門窗嘅座位, 可以邊享受食物邊望住銅鑼灣嘅景色, 相當寫意⭐青森縣蘋果清酒口感帶有香甜嘅蘋果味道, 甜甜地清新又開胃⭐日式煎餃子煎得金黃酥脆, 內餡鮮美可口⭐刺身盛包括有油甘魚, 三文魚, 間八, 鯛魚薄切, 魷魚海膽卷, 帆立貝同甜蝦, 每款刺身都鮮嫩細緻, 十分鮮美, 尤其係魷魚海膽卷同帆立貝⭐豐州鮪魚三味丼飯有大鮪魚腩, 中鮪魚腩, 赤身同鮪魚腩蓉, 每款都有著不同嘅口感同風味, 車車就最愛鮪魚腩蓉口感柔軟順滑, 大滿足呢!