家賀屋

家賀屋⭐️特選鮪盛⭐️北海道海膽軍艦⭐️特上三文魚籽軍艦⭐️生薑燒安格斯牛肉⭐️巨峰提子乳酸梳打酒好想食吞拿魚，但係幾間出名嘅舖頭都full左，好random咁行入咗一間銅鑼灣嘅日式料理餐廳食tuna sushi。特選鮪盛有齊赤身丶中拖羅同大拖羅壽司各兩件，大拖羅油脂感好足，最鍾意呢種健康嘅魚油，食幾多都唔會肥。北海道海膽軍艦同特上三文魚籽軍艦都好鮮甜，三文魚籽大大粒，一入口係口腔入面爆開。生薑燒安格斯牛肉其實lunch set都有，不過因為唔係好想食飯，所以就單點左一份，熱辣辣嘅炒牛肉配埋壽司食啱啱好。