GARIGUETTE

營業中

休息中

當初第一次認識佢嘅時候，就已經俾佢嘅外型深深吸引住。平時經過已經好想試，今次終於夾到人一齊試吓（特登晏晝唔食咁多嘢），掙扎咗好耐最後揀咗一款限定口味同冧酒提子，食完之後覺得下次都可以試吓鹹嘅口味，應該會幾impressed。‣ Pêche Et Pêche $168因為桃好易氧化，平時見到桃嘅甜品都抵受唔住誘惑嗌嚟試。白桃夠甜，幾鍾意佢啲吉士醬唔會整得特別甜，搭配本身已經燒得焦香嘅餅皮覺得啱啱好。幾鍾意裏面嘅一啲心思，食到有玫瑰花瓣同少少開心果碎，唔會搶咗桃本身嘅香甜，個味道又唔會太單一，幾滿意。‣ Rhum & Raisins $128朋友本身驚白桃太甜，諗住嗌個重啲酒味嘅平衡一下（雖然聽落好似冇乜邏輯），食嘅時候同桃味好唔同，確實比較清新啲，酒味都比較突出。本身鍾意食提子乾嘅話應該會好滿意，朋友好酒就幾鍾意呢一款，我自己就鍾意桃多啲。