Zappy (已結業)

上次同中學同學試過一次晚餐，用餐經驗十分愉快，決定約其他朋友再訪Zappy 。Menu改動不大，係飲品方面多左啲cocktail 🍸同mocktail。今次試左鹹蛋黃薯條同香脆辣蝦米著條🍟，當日冇薯角，所以餐廳經諮詢後轉左薯條比我地。個鹹蛋黃薯條好香，每條薯條都沾滿鹹蛋黃醬，至於另一款薯條係更加香口😋，再加上微辣，十分適合送酒。主菜方面試左安格斯肉眼牛扒🥩同烤加拿大豬鞍，兩款主菜都非常有水準，充滿住肉汁。個人比較鍾意食牛，覺得佢塊牛夠大塊又有牛味，配菜又好食，絕對會encore。意粉方面，今次嗌左煙三文魚菠菜意大利飯同XO醬大蝦意粉，意大利飯比較清淡，但啲煙三文魚同菠菜份量多，飯上仲加左啲三文魚籽，成碟飯好靚又好味。XO醬大蝦意粉仍然保持水準，🦐蝦肉彈牙再配上惹味意大利麵，絕對係必食。另外，貝殼鍋今次試左喇沙汁，個人覺得冬蔭功更出色，可能自己鍾意食辣。呢間樓上小店，店員友善，食物質素高，坐得又舒服，非常適合與三五知己聚會。