Hugo Le Resto Grill (已結業)

銅鑼灣西餐廳何其多，但semi-buffet就唔常見。呢間餐廳嘅semi-buffet有任食唔嬲嘅新鮮沙律菜、水果同埋凍蝦。除左salad bar之外，跟餐仲有味道濃郁嘅農蝦湯，內裡仲有一粒粒蝦肉。另外仲有岩岩烘熱左嘅餐包同埋飲品，作為前菜十分豐富。主菜方面，有鮮羅勒香草醬海鮮扁意粉($238) 意粉軟硬度適中，冇煮得太熟或太生。香草醬嘅味道均勻地融入意粉同配料中，啖啖都係香濃嘅味道。配料絕不吝嗇，有花甲、大蝦數隻、菇同埋魷魚。每樣食材都煮得好入味。美國頂級牛肩肉排($298) 因為我唔太中意太生嘅牛排，所以揀左7成熟。但感覺揀5成熟肉質會更軟更美味。牛肉好多汁，調味方面用左簡單嘅椒鹽，更突出牛肉嘅香味。伴碟嘅薯菜炒過後好好味。