時代豆業

營業中

休息中

係銅鑼灣食完野又想食少少甜點點算？可以試下呢間中式糕點店！呢間位於銅鑼灣鵝頸橋附近，糕品嘅種類都幾多咖！呢間店好細，賣嘅嘢一個櫥窗睇到曬！砵仔糕、紅豆糕、西米糕、白糖糕....應有盡有。大部分都係15蚊3件！今次買咗茶果、白糖糕同埋雞士藤。雞士藤大家應該好少見到，雞士藤又名雞屎藤，係用藥用價值咖，可以解毒祛風！食落去煙煙韌韌，有少少草味，可惜冇餡！白糖糕比較薄，甜甜地冇酸味！但白糖糕係冇包裝包住，如果買埋其他糕點，糕會直接掂住其他糕點嘅包裝，感覺上冇甘衛生。茶果係三個糕點入面做得最出色嘅，一來甜度岩岩好，二來餡料適中不會太膩，三來同馬士藤一樣都係煙煙韌韌！唔錯！整體而言，食物味道都中上，但每次光顧，店員都比較冷漠，比錢個都沒有幾乎交流，服務態度有待改善。