時代豆業

營業中

休息中

大家恭喜發財🧧🧧🍊新年個陣親戚買咗銅鑼灣時代豆業嘅蘿蔔糕同黃金糕蘿蔔糕好足料(雖然工人姐姐煎衰咗🤭)黃金糕口感煙靭 椰香濃郁 唔錯唔錯😋😋 下年可以再戰😍

Go！Go！糕！😆每次行過經過都見到條小人龍成功戚起左我既好奇心喇望望櫥窗 咦😳有開心果影子喎Okay排隊！買！🥹啊～我前面個女仔掃左幾條腐皮卷等我下次又試下⍥ 開心果糯米糍糯米糍軟熟唔黏口 幾墜手開心果餡佔既比例好重 每啖都會食到保留少少果碎 食落開心果味比較薄弱🥹滿足唔到我既開心果癮⍥ 開心果茶果少見開心果餡既茶果茶果都做到好Q彈好咬餡料雖然無糯米糍咁多但開心果浸香味比糯米糍突出得多幸好甜度低少少 個人黎講幾喜歡🫶🏻⍥ 芝麻糕偏愛芝麻😌可惜！太甜啦 完全搶晒本人既獨特香氣我食左幾啖就丟左嚕⍥ 南乳餅廿蚊黎講都算大袋 脆！香！唔油！齒頰留香 難怪史生大愛🤣當晚ko晒

上網見到好多人都推介佢嘅糯米糍，不過係啲人推介佢糯米糍之前，自己已經有留意開呢間小舖，之前都有買開佢啲茶果，見到有開心果糯米糍就即刻mark低咗，行開就去買左，價錢唔係好貴， $27有三粒，細細粒每次食一粒都好滿足

#20241030 🤍📍 #時代豆業 @beanmountain2021 銅鑼灣堅拿道東1號地舖➖➖➖➖➖➖➖➖➖➖➖➖➖➖➖➖➖#榛子糯米糍 $25/3個#開心果糯米糍 $25/3個💭 賣糕點賣到拎到車軚人確係威，多謝佢地傳揚左香港呢啲傳統野食！佢個糯米皮非常煙韌，就算佢係雪櫃拎出尼都無雪到硬晒，依然好軟熟，咬開可以好似芝士咁拉絲，兩款個餡係偏向甜既醬，榛子味可以話係同金莎一樣味咁濟🌰開心果味第一下都係甜味跑出，係after taste果下開心果味先出尼，如果唔係醬係果仁碎應該會仲好味😋.#芝麻糕 $25/3個💭 食完啲糯米糍真係要飲返啖水沖下個口先好食呢個，如果唔係咩味都食唔出😂舊糕十分之彈牙，拎住fing下fing下都唔會斷，好香芝麻味，特別鐘意佢唔係磨得幼滑款，所以食落仲會食到有啲芝麻衣既口感，幾清新👍🏼.#銅鑼灣美食 #🐷在銅鑼灣 #🐷_食

個開心果餡 ok嘅，味道似白朱古力加開心果醬加開心果粒，甜中帶咸香，唔係長洲個啲開心果粒加椰絲花生，唔錯嘅。但係個皮都幾厚，外觀亦一般，凹凹凸凸咁，經過的話可以試下咁囉～

店名: 時代豆業地址: 銅鑼灣堅拿道東1號地舖銅鑼灣站A出口，行2分鐘環境: 外賣價錢: 4.5/5味道: 4/5最近有開心果熱潮，呢間位於時代廣場附近嘅糕點舖，主打中式糕點，有芝麻卷、芝麻糕、馬蹄糕、糯米糍等😉最近仲新出咗開心果糯米糍，價錢同其他口味一樣，都係$25/3粒，當然要買返當然要買盒返去試吓😝糯米糍$25/3粒糯米糍整體糯米皮十分軟熟，完全唔會過硬，真正做到皮薄餡靚😙開心果❤️❤️❤️❤️開心果醬比較多，反而開心果碎唔算太多🧐唔會太甜，好在開心果醬嘅開心果味都算濃郁，整體呢個價錢嚟講都不錯😙花生❤️❤️❤️花生味都算出，但砂糖份量偏多，整體太甜🥲如果花生碎🥜份量可以增加多少少會好好多🤨芝麻❤️❤️❤️❤️❤️個人認為芝麻味有驚喜，滿滿芝麻餡，食得出經過炒香，芝麻味好出，配上超薄嘅糯米皮一流😍榛子❤️❤️❤️比想像中冇咁甜，同樣有啲堅果碎在內，比較似朱古力醬糯米糍

話說一直好想食糯米糍，醒起銅鑼灣鵝頸橋呢間有得買，於是返工前就行過去買啦買左芝麻紅豆花生都有買，食既時候已經好失望，完全唔好食，芝麻味-三隻入面比較正常紅豆-一般般 冇咩特別花生- 簡直可以用難食黎形容，d花生有d油益味, 花生粒寥寥可數，淨返既全部都係砂糖，甜d咩咁重點係食完當晚凌晨已經勁胃痛同想嘔，第二朝起身開始肚痾，痾左起碼6-7次，初時以為自己腸胃唔好再問返有食到既同事，大家都有肚痾胃痛同想嘔唔會再有下次!!!!!

最近试吃了隻時代豆業的鹹水糉，係我近幾十年來食過最好的。用料十足，糯米層不厚，啖啖都有驚喜，兒時吃糉的感覺回來了。比起某些名牌糉CP值更佳。最重要的係送给友人，回遺都很正面。多謝！多謝！给我重拾吃糉的興趣！👍👍😍

真係幫襯佐十幾年，因為鐘情斑斕糕，之前成日都幫襯買好多，差不多大半年無經開，難得出銅鑼灣即刻買。之前都係一舊舊切開哂咁買，今次變咗每一舊都用保鮮紙包住，買咗25/3 件 店員姐姐全部放落膠袋無為意，一手就放佐落袋，到返咗屋企拎出嚟就覺得唔對路，點解咁硬，諗住係因為包咗保鮮紙，但再放落口真係好難食，正常應該係好彈牙，今次嗰啲全部都好硬好實，可能係擺咗好多日，超級難食，食咗十幾年真係一次都未試過會咁，極失望，真係唔使再幫襯

白糖糕夜晚經過買，唔知係咪時間比較晏糕點擺放咗全日，返到屋企半個鐘內拎出嚟，已經變酸唔食得有少少失望，本身係為咗佢而買馬蹄糕，同埋桂花糕冇問題味道普通，正常發揮

企喺度等無人理，眼神示意咗佢3次先話：「你講咪得囉」🙄 所謂$25/3件椰汁糕就係呢塊嘢，可能大家對「件」嘅定義唔一樣！味道係得個甜字，完全無椰汁味，唔會有下次！

諗住去附近買個快餐就索性去嗰度買個粢飯套餐食得粢飯都期望佢熱辣辣點知舊飯係凍嘅，呢樣真係完全估佢唔到啲飯又濕餡又少個飯包得唔實，一路食啲餡就一路跌出嚟真係免費送俾我都唔想食

中式傳統糕點係我每次經過深水埗都會想買啲過吓口癮嘅小食😙可惜今次喺銅鑼灣呢間多年來屹立不倒嘅小店就試錯嘢😥平時都總有幾個人堆埋一齊喺度揀㗎~我見冇人先企喺度慢慢睇!見到$9一件, $22有三件, 抵咁多!!!所以試咗三款🙋🏻‍♀️<<黃金糕>>冇味！硬到爆！我食咗兩啖，棄咗🌚完。<<砵仔糕>>其實都唔係特別好食~我揀佢都只係因為佢冇豆😂口感偏厚實~<<菜圃茶果>>都嫌佢嘅糯米皮太過軟糯，口感爭咗少少😅餡料亦都唔多! 呢個真係純粹過口癮先食!如果減肥人士食，絕對係嘥quota🥹

今日同同事食完lunch行返公司經過呢間時代豆業好多人排隊，抱住羊群心理既我地又排埋一份，原來係賣傳統特色小食，有白糖糕、砵仔糕、芝麻卷等等，仲有地道茶粿，咁多選擇唔知點揀好，最後我地每款買左一兩件拎返公司做下午茶，我最欣賞佢地既砵仔糕，彈牙之餘又有好多紅豆粒，最岩我平時叫開砵仔糕多豆，同事買左白糖糕都好煙韌但相對比較甜，如果甜度降低少少就更好除左呢啲經典懷舊小食之外，呢間小店每逢過年都會推出年糕蘿蔔糕等等，出年有機會試下好唔好食先得

最近對中式糕點有興趣左，經過銅記想起有間賣中式糕點的店，主打中式糕點店真係賣少見少，即去睇下，糕點有好多款選擇，但同時好多售罄，已有幾款心水必食。眉豆茶果，豆沙燒餅、砵仔糕及豆沙卷-$9件、$17/2件、$20/3件。眉豆茶果，好耐冇食過呢款茶果，內餡適中，鹹鹹甜甜，正常水準。豆沙燒餅，好大件，口感煙韌，豆沙內餡適中，正常水準。砵仔糕，據聞出名，但味道普通，口感厚實，冇米香又夠甜。豆沙卷，香蕉糕，口感軟糯，豆沙香甜。黑芝麻卷，$15，好大件，因為據聞好味加上童年回憶而買，真係好耐冇食過菲林卷， 口感軟滑，黑芝麻味濃郁，甜而不膩，幾美味呢。班蘭糕，口感煙韌，味道太淡，冇乜班蘭糕黃金糕，口感煙韌，味道太淡。味道上有好有唔好，黑芝麻卷幾好，糕點款式好多，下次有機都會再試呢。