影片
更多
2021-11-14
253 瀏覽
放工喺銅鑼灣行嚟行去唔知食乜好，想食嘅餐廳又Full哂，唯有四周圍望吓啲水牌。我哋估唔到原來銅鑼灣都有印度餐廳🇮🇳，以為尖沙咀先係集中地嘛。「Dilliwale」環境幾好，有窗面向街景，開揚啲，而且店內亦無好大浸味👍。店員以至廚師都應該係來自印度，讓人感覺正宗。尚未落單，但店員已經為我哋送上Welcome Drinks。綠色嘅賣相不難令人聯想起佢係同薄荷有關🌿，不過味道遠比想像中複雜，佢甜甜辣辣酸酸，好開胃。牛油雞HOUSE BUTTER CHICKEN($128)，🥘呢度嘅牛油雞非常香濃，咖喱汁夠杰身。雖然唔算好重蕃茄味，但就多一份獨特嘅香氣，而且辣度適中。🐔雞肉大大件，肉質嫩滑，令人食唔停口。叫得咖喱當然唔少得薄餅，我哋叫咗一份🫓芝士烤餅CHEESE NAAN($30)，烤餅熱辣辣，超級軟熟，就咁食都好正，而且芝士味亦算突出。印度脆米球HEAVENLY GOL GAPPE($68)，呢個小食有得DIY自己玩埋一份😛。碟中嘅六個空心脆米波波，由我哋用洋蔥薯仔蓉同各式醬汁將佢填滿。成個組合食幾新穎得意，而且辣汁同薄荷汁相當惹味，話時話個辣味都幾強🌶。菠菜薯仔煎餅HARA BHARA K
放工喺銅鑼灣行嚟行去唔知食乜好，想食嘅餐廳又Full哂，唯有四周圍望吓啲水牌。我哋估唔到原來銅鑼灣都有印度餐廳🇮🇳，以為尖沙咀先係集中地嘛。
「Dilliwale」環境幾好，有窗面向街景，開揚啲，而且店內亦無好大浸味👍。店員以至廚師都應該係來自印度，讓人感覺正宗。
尚未落單，但店員已經為我哋送上Welcome Drinks。綠色嘅賣相不難令人聯想起佢係同薄荷有關🌿，不過味道遠比想像中複雜，佢甜甜辣辣酸酸，好開胃。
CHEESE NAAN
$30
4 瀏覽
1 讚好
0 留言
HOUSE BUTTER CHICKEN
$128
8 瀏覽
0 讚好
0 留言
印度脆米球HEAVENLY GOL GAPPE($68)，呢個小食有得DIY自己玩埋一份😛。碟中嘅六個空心脆米波波，由我哋用洋蔥薯仔蓉同各式醬汁將佢填滿。成個組合食幾新穎得意，而且辣汁同薄荷汁相當惹味，話時話個辣味都幾強🌶。
菠菜薯仔煎餅HARA BHARA KEBAB($70)，煎餅一客有四件，由於係輕煎，所以唔熱氣。與其話佢係煎餅，不如話佢係薯餅更貼切🥔，因為塊餅由薯仔蓉、豆蓉、菠菜同荽茜整成，口感同日式可樂餅有啲似，但又帶小小辣味。
SHAHI TUKDA WITH RABRI
$85
6 瀏覽
1 讚好
0 留言
總括嚟講，呢頓印度晚餐充滿驚喜，係一個特別嘅體驗😎！因為睇餐牌嘅時候，根本唔係好想像到菜式係點嘅樣，特別係啲小食，長知識了！
張貼
