萬丸燒肉 (已結業)

銅鑼灣廣場一直都有好多餐廳，有西餐、中餐、邊爐店等等。今日經朋友介紹嚟咗試一間燒肉店，食完後覺得食物質素好高。而且服務員服務態度非常好，好友善，收碟速度都夠快。今晚食咗特上燒肉放題，任食2個鐘，食物選擇豐富。安格斯封門柳封門柳牛味重，肉質軟腍，油花較少，適合用嚟燒肉。壽喜燒安格斯翼板安格斯翼板嘅油花就分佈得均勻啲，肉色鮮紅，肉質一樣軟腍。另外配上壽喜燒汁，甜甜地，特別有風味。香蔥薄牛舌牛舌用咗鹽、胡椒、香蔥作調味，燒完後已經唔使加其他醬汁。牛舌好味，好爽又有咬口，十分推介！美國極黑豬頸肉豬頸肉油脂感爆滿！食落爽滑彈牙。日本錦爽雞腿肉雞腿肉較厚肉，雞肉嫩滑，點埋燒汁食好正！手羽燒嘢食點少得雞翼呢～雖然要燒耐燒燒，但明火網燒可以燒到雞皮好脆！雞肉多汁嫩滑。雞皮串竟然有雞皮！！啱啱講到餐廳係用明火網燒，用大火燒到雞皮好脆，油脂感豐富。一口紫薯紫薯細細粒，好甜，而且有牛油一齊燒，好香。翠肉瓜翠肉瓜好多汁，食完咁多肉類可以清新下口腔。味噌湯味噌湯個碗好靚🤣，飲落熱辣辣，有好多海帶。雪糕最後每人會送上movenpick嘅雪糕，食咗雲呢拿味，味道好香濃。