家賀屋

熱辣辣lunch time就想食啲凍野，所以揀左食日本野🥰呢間餐廳lunch set有好多選擇，想食好啲有刺身set，想慳啲又可以揀丼飯👍🏻座位都好闊落！橫岡刺身定食｜刺身有八切，分別係油甘魚、大拖羅、帆立貝、赤海蝦同廚師精選白身魚。刺身全部都超厚切😍大拖羅油脂甘香、油甘魚好肥美🤤帆立貝同赤海蝦都厚肉爽口！配菜可以揀御飯、烏冬或者蕎麥麵，蕎麥麵同一般街外食倒既唔同、比較粗身，麵條滑溜有嚼勁。花魚一夜干定食｜可以揀原條或者半條，我地就揀左原條，好大條！肉質細緻紮實帶油脂香，特別係邊位勁肥美🥰因為無過多調味更食倒魚既鮮味！另外要講佢個茶碗蒸好足料🤤大滿足🥰