影片
更多
2023-02-22
134 瀏覽
酷愛日本料理 開關咁耐仲未有得飛太思鄉 去左銅鑼灣1間新開既日式餐廳食OMAKASE🤣餐廳裝修日系 以山林為主題 環境舒服 座位闊落 內有大落地玻璃窗 外有面向馬場既露台可以打卡再用山系同木系既餐具品嚐精緻既日式料理 彷如置身日本🥰餐廳晚市有6款OMAKASE SETS 價錢$688-$1688可隨自己喜好而揀個SET 再交俾廚師發辦🥰揀左山の御膳 可以食哂牛 魚蟹😋前後總共有11道菜 全部都用上日本空運到港既時令食材擺盤精緻 份量十足☺️💥先付け｜日本產雲丹拼盤 海膽控有福了 拼盤擺盤精緻 仲可以1次過食到5種產地既海膽😳以赤海膽同馬冀海膽為主味道甘甜 新鮮 個人中意根室海膽 creamy之餘 入口即融☺️💥前菜｜廚師發辦前菜3點3款前菜放左係個木盒內打開好似盆景咁既藝術品🪴燒帆立貝 帆立貝大大粒爽口彈牙 下面仲有燒過既昆布好香脆長崎縣小長井生蠔 鮮甜肥美 加左柚子醋更fresh北海道毛蟹 拆肉後撈埋蟹膏 味道更鮮更濃😋💥蒸し蒸｜十四代蝦夷鮑酒蒸 肝醬磯燒鮑魚軟身入味 上面仲有肝醬濃香好味再噴左幾下十四代清酒上去帶出左鮑魚既鮮味😀💥お造り｜季節刺身5點有帶子 牡丹蝦 油甘魚同兩食大拖羅刺
太思鄉 去左銅鑼灣1間新開既日式餐廳食OMAKASE🤣
餐廳裝修日系 以山林為主題
環境舒服 座位闊落
內有大落地玻璃窗 外有面向馬場既露台可以打卡
再用山系同木系既餐具品嚐精緻既日式料理
彷如置身日本🥰
餐廳晚市有6款OMAKASE SETS 價錢$688-$1688
可隨自己喜好而揀個SET 再交俾廚師發辦🥰
揀左山の御膳 可以食哂牛 魚蟹😋
前後總共有11道菜
全部都用上日本空運到港既時令食材
擺盤精緻 份量十足☺️
💥先付け｜日本產雲丹拼盤
海膽控有福了 拼盤擺盤精緻
仲可以1次過食到5種產地既海膽😳
以赤海膽同馬冀海膽為主
味道甘甜 新鮮
個人中意根室海膽 creamy之餘 入口即融☺️
💥前菜｜廚師發辦前菜3點
3款前菜放左係個木盒內
打開好似盆景咁既藝術品🪴
燒帆立貝 帆立貝大大粒爽口彈牙 下面仲有燒過既昆布好香脆
長崎縣小長井生蠔 鮮甜肥美 加左柚子醋更fresh
北海道毛蟹 拆肉後撈埋蟹膏 味道更鮮更濃😋
💥蒸し蒸｜十四代蝦夷鮑酒蒸 肝醬
磯燒鮑魚軟身入味 上面仲有肝醬濃香好味
再噴左幾下十四代清酒上去帶出左鮑魚既鮮味😀
💥お造り｜季節刺身5點
有帶子 牡丹蝦 油甘魚同兩食大拖羅
刺身全都厚切肥美
大拖羅用乾冰做出煙霧效果 打卡一流
2食各有特色 食得出大拖既魚油脂好重😀
💥鍋物｜北海道鱈場蟹亀甲鍋
暖胃之選 蟹湯鮮甜
半生熟既鱈場蟹腳肉 啖啖肉 肉質嫩滑
仲有菇 紹菜包波菜卷 吸收晒湯既精華 好唔錯🥰
💥箸休め｜季節雪葩
食到呢到已經飽飽地
中間休息 有自家製柚子雪葩
清清味蕾 開下胃😋
💥すし｜精選寿司5貫
壽司有深海池魚 北寄貝 鰈魚 金目鯛 同鯖魚
因為已經食到飽飽地 叫左師父少飯🙈
所有壽司師傅已經調好味
就咁食都ok 唔駛另加豉油/wasabi☺️
💥強肴｜A4宮崎牛厚燒 聖護院蕪菁 牛肝菌
原個煲上枱 勁吸睛😳
打開見煲底係禾稈草 係煙燻和牛呀🐮
3粒厚燒西冷和牛粒 濃香油脂感爆發 食落軟腍
撈埋忌廉牛肝菌煮醬汁 好惹味食仲有D溫室露荀 蕃茄仔同炸蒜片做配菜 清下膩😆
💥食事｜特濃上海蟹拌後文稻亭 配陳意大利黑醋
呢個勁好食 可惜我太飽
事先叫師父減少份量俾我🙈
大閘蟹膏同膏油 撈落用松葉蟹芡汁煮成既烏冬
再有3款意大利黑醋可以揀
3/5/10年 甜酸度不一
可隨個人喜好添加 解油膩
烏冬煙韌 掛滿蟹膏
滿滿蟹味 好滋味🥰
💥甘味｜和風雪糕拿破崙
是日甜品係草莓椰子雪糕拿破崙
自家製 酥皮酥脆
中間夾住椰子雪糕
食落清新 大滿足既一餐🥰
張貼
