舍利鮨 (已結業)

喺元朗由龍師傳所主打嘅omakase餐廳舍利鮨終於喺港島嘅銅鑼灣開咗分店啦！佢哋嘅用料上乘，大部分嘅食材都由日本直送，所以好有日本嘅味道。喺品嘗佳餚前先飲返碗店家嘅麵豉湯。呢次有好幾款都好想推介，分別係壽司嘅大拖羅，北海道嘅白海膽，醬油漬中拖羅，鰆魚，一品料理嘅慢煮仙鳳趾蠔。醬油漬中拖羅：油脂無大拖羅咁豐腴，肉質會較厚實，魚味都會較淡，所以同秘製嘅醬油非常夾，係另一番風味。鰆魚壽司：呢款魚好少地方見到，其實連聽都未聽過，但係食落肉質較中拖羅扎實，鮮味更加突出，係款好特別嘅壽司。北海道白海膽：北海道白海膽係海膽中嘅極品。佢哋最大特色就是粒大而長，味道清雅脫俗，口感極佳。大拖羅：見到肉身色澤偏白帶雪花紋路，肥美無筋，油腴肥嫩，入口即溶，足夠讓人無比沉醉。慢煮仙鳳趾蠔：仙鳳趾蠔喺日本有「海中牛奶」的美譽。北海道厚岸灣仙鳳趾是以生蠔聞名的地方，海水與飽含礦物質的湖水混合，孕育出尺寸矚目、肉身肥厚、質地滑口的生蠔，再加上龍師傳獨特嘅慢煮手法，令其味道變得更加鮮甜濃郁，口感嫩滑，令人回味無窮。清酒最啱炎炎夏日食住咁好嘅日式料理嘅時候品嘗。