大灰熊廚房 (裝修中)

偶爾經過帝景灣、原來二樓都有幾間食肆、今日試下呢間大灰熊廚房、主打家常菜小炒、另提供午餐set lunch, 中午時份都有不少附近住戶或上班族來光顧。黃金豆腐粒即叫即炸、香脆可口仲好惹味！豆腐肉碎羹都好足料、天氣涼涼地飲好暖胃。叫左兩個小菜試下～千島蝦球賣相討好、鮮蝦大大隻夠爽口、醬汁酸酸甜甜好好味、亦不會太膩、送白飯剛好。勝瓜木耳炒蝦球炒得好有鑊氣、勝瓜炒得剛好口感爽脆～這裡的小菜款式挺多的、下次跟家人來吃晚飯又多一個選擇。