愛啡

營業中

休息中

難得一班朋友想去長洲行bb山，行完山順便搵間咖啡店坐下，喺openrice睇到依間啲相幾靚所以過去試下。未入到去喺門口已經畀隻大啤啤吸引咗，風格有啲小清新睇得出店主用心裝修，牆上面好多關於愛情的小句，最重要仲有一段聖經關於愛嘅, 超正！店主話佢呢間咖啡店係以愛為主題，所以先有咁多唔同嘅愛情金句。除咗裝修正之外嘢飲都好正，我哋叫咗一杯桂花latte一杯ice mocha，一杯店長特調，長洲大炸蛋，仲有tiramisu。桂花latte好好飲輕輕嘅桂花味，唔會太甜。ice mocha做嘅裝飾超靚，味到都好飲。長洲大炸彈佢切到好似朵花咁好好睇。tiramisu一定要試，真係超好食超好食超好食！重要嘅事要講三次。整體食物裝修服務都五粒星，一定會再去.難得香港仲有依啲用心經營嘅小店，加油加油。