影片
更多
2009-05-30
34 瀏覽
今日(30-5-2009Sat)男友過o黎食lunch,由於我唔係咁餓,佢就話試吓多次路經o既呢間食麵同小食.啊.入到去坐低,啲位係好迫,大部份都椅貼椅,o岩o岩好,再冇任何空間,佢有套餐同散叫,套餐係10隻窩貼或水餃同一碗湯,湯有四款,任揀一款.價錢由$26.00-$28.00不等.但可以加錢雙拼,但數量一定係5隻5隻咁.我同男友叫o左招牌窩貼同咖哩窩貼,要旗魚丸湯,共$29.00,另加$5.00就有一杯原價$10.00o既凍豆漿,男友見有蚵仔,又想試,男侍應問要大定細,男友答細.落齊單喇,男侍應畀返order同入機o既紙,男友睇,點解有大腸麵線,而蚵仔就印住加$5.00?我就諗,即係佢指o個碗蚵仔其實唔係淨蚵仔,而係大腸麵線加餸.一會,旗魚丸湯到o黎,自己o係枱邊個櫃攞食具出o黎,旗魚丸同湯好清,清到接近冇味,海帶亦冇乜味.味道: 2分之後豆漿,咖哩窩貼都到o黎,先食窩貼,只有個底熱,成件都只係微暖,味道可以,但唔夠熱就o徒o左.味道: 4.5分(因唔熱而扣分)然後蚵仔大腸麵線到o黎,蚵仔size比想像中o既大隻,男友先食,話覺得好食,我食落,覺得麵線幾滑,湯有少少酸微微,唔錯,不
入到去坐低,啲位係好迫,大部份都椅貼椅,o岩o岩好,再冇任何空間,佢有套餐同散叫,套餐係10隻窩貼或水餃同一碗湯,湯有四款,任揀一款.價錢由$26.00-$28.00不等.但可以加錢雙拼,但數量一定係5隻5隻咁.
我同男友叫o左招牌窩貼同咖哩窩貼,要旗魚丸湯,共$29.00,另加$5.00就有一杯原價$10.00o既凍豆漿,男友見有蚵仔,又想試,男侍應問要大定細,男友答細.
落齊單喇,男侍應畀返order同入機o既紙,男友睇,點解有大腸麵線,而蚵仔就印住加$5.00?我就諗,即係佢指o個碗蚵仔其實唔係淨蚵仔,而係大腸麵線加餸.
一會,旗魚丸湯到o黎,自己o係枱邊個櫃攞食具出o黎,旗魚丸同湯好清,清到接近冇味,海帶亦冇乜味.
味道: 2分
之後豆漿,咖哩窩貼都到o黎,先食窩貼,只有個底熱,成件都只係微暖,味道可以,但唔夠熱就o徒o左.
味道: 4.5分(因唔熱而扣分)
然後蚵仔大腸麵線到o黎,蚵仔size比想像中o既大隻,男友先食,話覺得好食,我食落,覺得麵線幾滑,湯有少少酸微微,唔錯,不過杰到似糊狀.蚵仔亦滑但冇乜味,而切得薄薄地o既大腸都冇乜腥臭味,可以.
味道: 3分
最後,招牌窩貼到o黎,呢個明顯比咖哩窩貼熱,味道可以,鹹淡適中.
味道: 4分
而杯凍豆漿都可以o既.
味道: 2.8分
服務同衛生係冇問題o既,但環境真係迫,眼見一枱三人o既客,為o左背撞背問題,三個人都輪流轉一次位.而有啲位冷氣又過大.
呢餐埋單$51.00
張貼