影片
更多
2024-05-02
5146 瀏覽
本身男朋友話見到Klook同KKday有買一送一自助餐優惠，本身都唔諗住佢有啲咩特別，始終買一送一呀嘛點知一去到，嘩嘩味道唔單止好，選擇款式多，每一樣嘢食都唔差.凍食區一入到去，除咗有龍蝦、凍蝦、螺、仲有三文魚子任食、唔知係咪因為今次係韓國嘅主題，仲有皇帝蟹，皇帝蟹腳粗度簡直令我不能相信本身唔食蝦嘅我都覺得好好味，每一隻蝦都係有蝦膏，當日我食嘅龍蝦就冇龍蝦膏，不過差唔多完一個鐘到就有龍蝦膏.魚生區魚生有帶子、三文魚、油甘魚、八爪魚最特別就係佢會有師傅即場切吞拿魚，唔係表演切魚生，而係一整條大嘅吞拿魚由一條魚去起骨、切成魚生由於我淨係掛住拍片冇影相嘅關係，大家可以睇住呢個圖畫，係真係好大條，然佢冇拖羅咁肥美，但係完全冇喳，我第一次食新鮮嘅吞拿魚，平時唔食魚生嘅，我都覺得好鮮甜美味😋.熟食區今次嘅主題係韓國菜，當然就會有韓國嘅菜式啦，佢有韓式燒牛肋骨、韓式炒粉絲、炸雞、韓國番薯及醬油蝦、韓式大醬湯、仲有韓國炸醬麵，其他基本嘢嘅都有，包括燒味有蝦餃、燒鵝、燒肉、椰菜花忌廉湯、青紅蘿蔔煲豬肉湯、炒菜、蒸鱸魚、印度咖喱、燒牛扒、粉面類都有我最鍾意係佢呢個牛扒區唔係剩係得燒烤汁、黑椒汁、蒜蓉汁，而
.
凍食區
一入到去，除咗有龍蝦、凍蝦、螺、仲有三文魚子任食、唔知係咪因為今次係韓國嘅主題，仲有皇帝蟹，皇帝蟹腳粗度簡直令我不能相信
本身唔食蝦嘅我都覺得好好味，每一隻蝦都係有蝦膏，當日我食嘅龍蝦就冇龍蝦膏，不過差唔多完一個鐘到就有龍蝦膏.
魚生區
魚生有帶子、三文魚、油甘魚、八爪魚
最特別就係佢會有師傅即場切吞拿魚，唔係表演切魚生，而係一整條大嘅吞拿魚由一條魚去起骨、切成魚生
由於我淨係掛住拍片冇影相嘅關係，大家可以睇住呢個圖畫，係真係好大條，然佢冇拖羅咁肥美，但係完全冇喳，我第一次食新鮮嘅吞拿魚，平時唔食魚生嘅，我都覺得好鮮甜美味😋
.
熟食區
今次嘅主題係韓國菜，當然就會有韓國嘅菜式啦，佢有韓式燒牛肋骨、韓式炒粉絲、炸雞、韓國番薯及醬油蝦、韓式大醬湯、仲有韓國炸醬麵，其他基本嘢嘅都有，包括燒味有蝦餃、燒鵝、燒肉、椰菜花忌廉湯、青紅蘿蔔煲豬肉湯、炒菜、蒸鱸魚、印度咖喱、燒牛扒、粉面類都有
我最鍾意係佢呢個牛扒區唔係剩係得燒烤汁、黑椒汁、蒜蓉汁，而係有唔同嘅鹽同埋芥辣去配牛扒
呢個韓式牛肋骨真係一絕
另外值得一提就係中式部會有燉湯，呢一個人蔘雞湯十分之好飲係有重重嘅人蔘味，絕對唔係揸流攤，不過大家要小心啲個碗因為佢真係即刻燉，所以碗比較熱，放落佢張枱張枱嘅蠟面有少少溶🥲✨
.
麵包沙律區
雖然自助餐都好少食麵包，但係我極強烈推薦大家一定要試吓佢嘅牛油，佢嘅牛油出奇地香！
唔係普通嘅牛油，最特別佢就係有無麩質麵包🥖.
甜品與生果區
甜品不過不失都幾好食，雪糕係Häagen-Dazs都有八隻款揀嘅，你仲可以揀加班戟或者雞蛋仔
不過最值得一提，係佢今日嘅生果竟然有番石榴同埋山竹唔知係咪我孤陋寡聞，我第一次見自助餐又山竹，我自己就好鍾意食，所以一攞就攞咗三個，第二次去攞嘅時候已經冇晒嚕，已經轉咗韓國梨🥲🥲🥲所以如果嗰日好好彩你哋去嘅時候都有又鍾意食嘅話，就要快啲去拎啦
.
雖然佢平時人均係七百幾蚊 但係我覺得佢有咁多食物質素，嘢飲仲要任飲，包括1664啤酒、白酒、紅酒、果汁、各式各樣汽水、檸茶檸水、咖啡，對我呢啲需要係咁飲嘢嘅人都覺得10分足夠，雖然佢未必係一間好高級嘅自助餐餐廳，但係但屋企人嚟絕對會有一個美味又開心嘅晚上
張貼
