Cobber Coffee and Tonys Pastry

營業中

休息中

朋友生日食呢間cafe無得book位，只有walk-in當日7點拎飛，等到8:30先有得入去，但食完間餐廳都算值得等😂如果想食呢間我會建議大家要早起碼1個鐘黎等位😂😂😂番茄辣肉丸 $68肉丸煎到表面帶微燶,帶少少辣蕃茄醬味道。蒜香牛油雞翼 $68雞翼都算大隻,炸完保留到啲肉汁同好滑。蒜香蟹肉炒意粉 $138蒜味重但唔會好油,每一啖都食到蟹肉。黑松露忌廉磨菇雞肉燉飯 $148忌廉味較重,聞落黑松露味好香,食落就比較淡,飯軟硬度適中,雞肉份量多得黎食落好嫩滑。佛手柑啫喱伯爵茶忌廉梳乎厘班戟 $127班戟非常鬆軟,配上濃濃嘅伯爵茶cream,周邊生果比較酸,但又配上甜甜地嘅啫喱,令成碟梳乎厘超夾。椰子碎冰 $58淡淡嘅椰子味,上面放焦糖脆脆,再淋上黑咖啡,椰子味道襯托出獨特嘅咖啡味,加上焦糖嘅香甜。士多啤梨乳酪碎冰 $48士多啤梨果肉和冰混合而成,加入乳酪後令口感更順滑。