影片
更多
2022-06-18
87 瀏覽
唔知大家記唔記得早排香港曾經有一陣龍蝦包熱潮？一直對龍蝦零興趣嘅版主由個陣開始會留意下呢樣海鮮🦞，但係都只限於會bookmark下啲相關餐廳，未到會身體力行走到試（唔知點解覺得食海鮮太有飽滯感）早排約朋友食飯，諗黎諗去都唔知食乜，醒起佢最中意嘅食物係龍蝦，就把心一橫，去呢間位於九龍城嘅cafe試試佢出曬名嘅lobster all day breakfast! 1.Super owl set | 6.5/10因為我地三個人，就叫咗whole lobster嗰個set，價值為248(⁎⁍̴̛ᴗ⁍̴̛⁎)碟中物: 龍蝦、蟹肉牛油果toast、egg benedict and smoked salmon on muffin、portobello 、德國腸、薯餅、煙肉、烤蕃茄、茄汁豆、粟米粒粒同mixed green 撇除賣相唔講（因為真係好澎湃，200分適合打卡），味道實屬一般般。望落去好豐富，但其實隻起晒鋼嘅龍蝦經已霸咗半隻碟嘅位，其餘嘅食材其實份量唔算話好多（帶返個頭盔先，可能我大胃？）-龍蝦普通質素啦，我本身都唔係有太大expectation 但係見外國嘅煮法應該多數係牛油焗/煮，呢一個就唔係太
早排約朋友食飯，諗黎諗去都唔知食乜，醒起佢最中意嘅食物係龍蝦，就把心一橫，去呢間位於九龍城嘅cafe試試佢出曬名嘅lobster all day breakfast!
1.Super owl set | 6.5/10
因為我地三個人，就叫咗whole lobster嗰個set，價值為248(⁎⁍̴̛ᴗ⁍̴̛⁎)
碟中物: 龍蝦、蟹肉牛油果toast、egg benedict and smoked salmon on muffin、portobello 、德國腸、薯餅、煙肉、烤蕃茄、茄汁豆、粟米粒粒同mixed green
撇除賣相唔講（因為真係好澎湃，200分適合打卡），味道實屬一般般。望落去好豐富，但其實隻起晒鋼嘅龍蝦經已霸咗半隻碟嘅位，其餘嘅食材其實份量唔算話好多（帶返個頭盔先，可能我大胃？）
-龍蝦普通質素啦，我本身都唔係有太大expectation 但係見外國嘅煮法應該多數係牛油焗/煮，呢一個就唔係太食到牛油香啦
-版主好鍾意食egg benedict，反而對佢地個hollandaise sauce有啲失望 ಥ_ಥ 唔知點解陣味有啲奇怪，唔係平時食開個隻酸酸地嘅檸檬味
-個蟹肉牛油果都唔係太食到牛油果味，唔知係咪因為加得太多mayonnaises所以搶咗啲食物原味值得一提嘅係都食到啲crab meat，而啲crab meat係有鮮味的，呢個係加翻啲分嘅)
其他材料就冇乜話需要啲咩烹調技巧，味道正正常常啦。（繼續戴頭盔中）ADB又真係唔係追求食物有幾好味，本身食ADB就係貪佢俾我地一次過食到多種類嘅食物，話曬個啲煙肉腸仔乜乜乜都唔會係自家製㗎啦 ☻ 平心而論，呢個ADB其實都算抵食，200幾蚊食到龍蝦，加上有啲特別少少嘅食物(例如蟹肉牛油果baguettes)，再配埋面盆咁大嘅碟嘅plating，算係咁啦！
2. 蝦膏蟹肉車厘茄意粉 ｜8.5/10
Omg!真係對大家唔住，同埋對碟意粉唔住呀！呢個蟹肉意粉先係今餐嘅重點，最衰版主掛住幫個ABD打卡，叫啲friend食住呢一碟先，就錯失左影相嘅良機啦
Impress到版主嘅意粉唔多，所以呢個真係有返咁上下水準先令到版主俾咁高分！蝦膏同蟹肉為成碟意粉做到個提鮮調味嘅效果，比起平時以紅肉為主要食材嘅意粉多出啲鮮甜味(*≧ω≦) 重點係真係幾creamy，唔知係咩關個蝦膏事啦～總之係濃郁得黎唔膩，一啖接一啖好似唔會夠喉咁(^з^)
——我是界——
未試過嘅不妨一試，食過嘅版主如果有機會再訪就唔會再點個ADB啦
提提大家，小店都小有名氣㗎，我地個日等咗成個鐘先入到座(⊙_⊙) 食完埋單走人嗰陣都成三點幾，但係出面仲有五六組人等緊位！佢地元朗係本店，唔知情況會唔會再墟冚啲呢？由於要等位嘅關係，版主再訪嘅機會率有啲微xd哈哈哈哈
張貼
