Fifty Fifty (已結業)

呢間幾年前食過Lunch，好唔錯。長沙灣依家多左啲中價西餐嘅餐廳。餐廳走環保路線，用QR Code去Scan菜單。個湯中規中矩，冇乜大特別。生蠔唔錯，比較淡，冇乜海水味，不過都食到鮮味。個人喜歡海水味重，比較咸嘅生蠔。沙律都足料喎😂Dressing酸甜勁開胃。最驚喜係個肉眼扒，仲大塊過我隻手。不過我地就嫌佢熟過頭。我地要5成熟架，但出到黎係7成囉🙄不過好彩，食落都唔算好'鞋'身。意大利雲吞都好有驚喜，因為我未食過意大利雲吞。個汁好香好好食呀！🤤個人非常好蘑菇汁嘅野。餐廳水準中規中矩啦，價錢高左少少喺長沙灣其實我都唔會要求好高。