新沙洞澡堂 (已結業)

新沙洞澡堂係長沙灣一間人氣打卡韓國餐廳，之前已經成日喺社交平台見倒好多人喺門口個澡堂位打卡，有次喺周末經過見倒出面勁多人排隊，今次搵左個平日夜晚同朋友黎試下。當晚18:30黎到得兩三枱客，仲以為平日會冇乜人，後尾去到19:00後都越黎越多人，最後都差唔多坐滿人。一入門口就會見倒哩個澡堂打卡位，哩度基本上係唔會坐人嘅，所以隨時出黎打卡都可以。店內分左黑白兩個區域，近門口用白色伕大主調，牆上仲有鏡同花灑頭襯返澡堂風格。再行入啲就用左黑色做主調，所以盡頭都有一幅燒酒場配合返暗黑形格路線。新沙洞主打食新派韓菜，炸雞、部隊鍋、生菜包豬肉、水冷麵、韓式炒粉絲都有，有套餐亦有散叫，如果本身會叫套餐，預早喺openrice買會有88折。我地叫左個辣炒年糕套餐($350/Openrice優惠)，佢包左辣炒年糕、細份炸物拼盤、牛角酥窩夫同兩杯梳打特飲。另外我地仲散叫左幾樣野share。藍柑橘白桃梳打特飲 & 西柚梳打特飲(跟餐免費) - 兩杯特飲顏色都好靚，唔會太甜，西柚梳打都唔會有澀味。柚子蘿蔔($20) - 蘿蔔好爽口，因為加左柚子，所以開胃得黎唔會太酸。炸韓國午餐肉條($58) - 午餐肉炸皮香脆，