潮興正宗潮州菜館

營業中

休息中

上年10月中，跟食友們去吃晚飯，位置係長沙灣，由長沙灣地鐵站行過去都要十分鐘以上，去到餐廳，舊式小菜館格局，地方比較逼，多大枱同中枱，多數似係同事放工飲啤酒食飯，全餐廳滿坐。我哋有10個人所以叫咗好多餸。鹵水鵝片，鹵得剛剛好，又唔會太咸，欖菜肉碎四季豆，夠惹味，送啤酒同埋飯一流。豆醬雞太咸，太多醬了，雞肉正常。汕頭蠔仔洛，蠔唔醒，炸得香口，好味。酥炸蝦棗彈牙，爽口。凍食魚都好食嘅，唔記得咗係乜嘢魚了，每人食一啖就清咗。椒鹽豆腐同潮州芋泥，我冇食到，樣貌幾好，朋友們好快有清曬，應該唔差架。唔可以話好驚喜，不過冇伏，水準合格以上，值得幫襯。