大煲皇小廚

營業中

休息中

湯底：叫咗皮蛋芫荽清湯同埋沙嗲湯雙拼。沙嗲湯色水一睇就知道足料，唔會淡茂茂。清湯就主要食返個原味。牛頸脊：份量好足，滿滿一大碟，牛頸脊後切上，口感一流。雪花紋既脂肉比例，睇到都流口水。原味清湯更顯肉味。鳳城水餃：一碟都有成8隻，又飽滿，味道唔錯。墨魚滑：一碟有兩條，味道OK，彈牙爽口，正常發擇。蔬菜拼盤：食更多肉當然都要食返啲左菜纖維平衡返下，阻隔下油分吸收。每款都有啲賣相幾靚仔既。粉絲：一碟都好大兜都夠三個人以上食，其實食埋水餃都飽飽地。粉絲主要嘅梗係吸收返湯底嘅精華啦。美國桶蠔：一碟都有六隻，每隻都好新鮮肥美，一上碟就聞到好香嘅蠔味，清湯淥更顯鮮味。總結：呢間嘢原來都有成20年歷史，食材的確係新鮮大碟，對得住個價錢，現場亦都有好多生猛海鮮俾你揀，不過兩個人食唔到咁多嘢下次 可以叫多啲人再嚟食吓。