Second Bite Bar & Grill (已結業)

長沙灣美食居多，今次放工黎到呢間距離地鐵站大約10分唔程嘅second bite 西餐廳小店。雖然唔算太近地鐵站但絕對要推介!餐廳內外裝修帶工業風格之餘加點藝術元素。牆上掛滿多幅超大掛畫，等食之餘都可以欣賞下先~廚房喺開放式，可以睇到廚師烹調過程。餐牌選擇好多，海鮮喺其主打菜式。手抓海鮮人氣好高~先選海鮮種類，再選配菜及醬汁。我地叫左手抓海鮮入面嘅扇貝同膏蟹配野菌，蒜蓉牛油汁。另叫左原隻波士頓龍蝦牛角包。牛角包幾大隻~滿滿龍蝦肉夾喺牛角包中間，仲有2隻非常完整嘅龍蝦kim肉!牛角包要大讚，超酥脆，食得出有好多層次感嘅酥皮! 大啖咬落去一次過有牛油香味，酥脆加龍蝦鮮味嘅感覺~餐廳非常貼心，提供圍裙及手套比客人食海鮮。手抓海鮮賣相非常有驚喜。膏蟹幾大隻，喺用炸嘅方法烹調。呢種食法第一次試~炸過嘅膏蟹非常香口，最重要佢嘅肉質非常彈牙，鮮甜同補留左蟹肉嘅肉汁! 呢度菜色香味都喺滿分!蟹蓋嘅大蟹膏都保留左，蟹膏炸完更香~蒜蓉牛油炒出黎嘅野菌好惹味，食到停唔到口呀。Second bite絕對可以稱為隱世小店，非常值得一試，大飽口褔。