森記牛雜粉麵

營業中

休息中

每晚都幾乎外賣飯盒，食到都悶悶地，今日放工經過聞到好的牛腩味，即刻食蟲上身，外賣了份牛腩返去。牛腩用了坑腩部份，肥瘦均勻，炆得入味又夠腍，而且有濃郁的肉香；牛筋更是入口溶化，膠質豐富；另外附送了一條牛腸，非常爽口。紫菜四寶有幾款丸及魚皮餃，魚蛋彈牙有魚肉鮮味；魚皮餃外皮煙韌；墨魚更是彈牙有粒粒的墨魚粒。雲吞撈粗份量十足，雲吞一口一粒，裏面有半肥瘦豬肉及新鮮爽口的蝦仁，粗麵不會煮至太腍。手打牛丸拼墨丸麵有六粒丸，手打牛丸彈牙，唔會溝了太多粉，真是有牛肉香及質感；墨丸彈牙。另外餐廳還有多款泡飯及小菜，泡飯好似幾吸引，下次再幫襯過。