尚點 小籠包.上海麵館 (元州商場) (已結業)

一家四口外出食晚飯，阿媽話想食上海菜，天氣凍唔想去咁遠，而且又想平平地，所以去了元州商場的尚點。我們點了個四人餐，食物豐富，價錢只係$398，而且份量十足，最後大家都食唔哂要打包走。鎮江排骨鎮江汁夠酸且甜，排骨妏得入味且腍，但肉質始終帶點鞋。雞絲粉皮我最仲意多麻醬，這裏絕合哂我要求，麻醬多且濃味，粉皮爽滑，青瓜絲及雞絲切得幼細。招牌生煎包食得太飽所以打包了返去做早餐，叮返熱食都不錯，裏面有肉汁。粟米豆腐羹本來想要酸辣湯，但兩位老人家唔仲意，所以叫了個比較大眾化的湯羹，粟米蓉加豆腐粒再拌入蛋花，值得一讚是豆腐切得很細粒且無爛，刀工好。葱爆牛肉有很多京葱蒜爆炒，牛肉腍滑，不過比較多油。賽螃蟹有些蝦仁在賽螃蟹肉，蛋白炒得很滑，加點醋更好味。咸肉百頁小棠菜百頁切成一絲絲，非常爽口彈牙，旁邊配上金華火腿及小棠菜，湯㡳鮮甜，百頁吸引了金華火腿味，味道昇華。雞火炒飯炒飯大碟而且炒得好靚，呈金黃色，有蝦二及雞肉，還有大量的蛋花，飯粒炒得爽口。豆沙鍋餅外面煎得香脆，豆沙軟滑，而且不會太甜。在這區這個上海菜算是高質且價錢便宜，份量十足，性價比高。