Soi Eat Thai Cuisine

營業中

休息中

今日約咗朋友去長沙灣見面，由於佢係由細到大就喺長沙灣長大，所以我就問佢呢度附近有冇乜嘢泰國嘢好食，佢就介紹咗位於長沙灣青山道嘅soi eat thai cuisine 呢度嘅價錢都唔貴好合理，我哋叫咗一個青咖喱走地雞飯，好重椰汁味我哋好鍾意。一個泰式炒金邊粉，入邊都有唔少泰式大蝦，而且好惹味。當然唔少得再加一個蠔餅同埋馬拉盞炒通菜，蠔餅好脆好多蠔，啲粉唔會好重，至於馬拉盞炒通菜亦都好爽口，同我期待嘅一樣。感覺呢度嘅食物質素唔會比九龍城差，如果想食泰國嘢又咁啱住喺長沙灣附近嘅話我覺得可以嚟呢度試吓，價錢親民美食質素。