影片
更多
2024-04-22
37 瀏覽
長沙灣呢邊好多cafe同食店，我地都經常過嚟呢邊食飯同chill 下，咁岩經過見到呢間裝潢好靚好有特色嘅韓式燒肉就即刻試下！呢間有二人套餐，牛肉好高質，阿根廷紅蝦好大隻鮮甜！超抵食😍！👑會長招牌套餐 $498🔸韓式醬汁牛五花牛五花油脂分布好靚，唔講以為係和牛！油脂仲一啲都唔覺得肥膩，入口即化！而且牛肉非常有牛味，加上甜甜地嘅醬汁，無得彈。🔸MG澳洲和牛小柳澳洲和牛牛小柳真係驚喜！估唔到燒肉嘅牛小柳可以咁腍身，仲要彈牙有肉味，點辣醬再包生菜食真係一流！🔸美國極佳牛頸脊極佳牛頸脊就咁睇個色澤已經好吸引，燒完後加少少海鹽吊味就perfect! 肉質好軟腍，入口有咬口，慢慢咬，啲牛肉味滲出嚟，好享受。🔸西班牙黑毛豬肋條黑毛豬肋條可以燒到岩岩好就可以，唔使怕生，因為可以少少生都ok的。豬肋條好彈牙，豬肉味特出，又係配辣醬同生菜嘅極品。🔸特級豬頸肉豬頸肉係比較厚身有咬口，加少少海鹽，再搭配生菜、泡菜、大蒜醬等一起食用，增添左口感和風味的層次！🔸阿根廷珍寶紅蝦 兩隻兩隻阿根廷珍寶紅蝦真係好巨型，而且蝦頭有非常多甘香嘅膏。蝦身中間剪開，方便燒烤，好貼心，抵讚！大大隻嘅蝦身燒到離殼就岩岩好，食落啖啖肉同
👑會長招牌套餐 $498
🔸韓式醬汁牛五花
牛五花油脂分布好靚，唔講以為係和牛！油脂仲一啲都唔覺得肥膩，入口即化！而且牛肉非常有牛味，加上甜甜地嘅醬汁，無得彈。
🔸MG澳洲和牛小柳
澳洲和牛牛小柳真係驚喜！估唔到燒肉嘅牛小柳可以咁腍身，仲要彈牙有肉味，點辣醬再包生菜食真係一流！
🔸美國極佳牛頸脊
極佳牛頸脊就咁睇個色澤已經好吸引，燒完後加少少海鹽吊味就perfect! 肉質好軟腍，入口有咬口，慢慢咬，啲牛肉味滲出嚟，好享受。
🔸西班牙黑毛豬肋條
黑毛豬肋條可以燒到岩岩好就可以，唔使怕生，因為可以少少生都ok的。豬肋條好彈牙，豬肉味特出，又係配辣醬同生菜嘅極品。
🔸特級豬頸肉
豬頸肉係比較厚身有咬口，加少少海鹽，再搭配生菜、泡菜、大蒜醬等一起食用，增添左口感和風味的層次！
🔸阿根廷珍寶紅蝦 兩隻
兩隻阿根廷珍寶紅蝦真係好巨型，而且蝦頭有非常多甘香嘅膏。蝦身中間剪開，方便燒烤，好貼心，抵讚！大大隻嘅蝦身燒到離殼就岩岩好，食落啖啖肉同好濕潤唔乾，仲有淡淡海水嘅咸味，真係好回味！
🔸百香果梳打 同 葡萄梳打 700ml
食燒肉緊係要飲返杯有汽梳打先爽㗎嘛！兩款梳打好好飲又解渴，跟餐都大大杯，超抵！
🫘紅豆鯛魚燒 $48
另外叫左個鯛魚燒嚟做甜品，輕輕燒到有少少燶面就岩岩好，食落真係好似日本食到嘅鯛魚燒味道👅紅豆甜度岩岩好，個皮又夠脆身！
📍 會長之家烤肉 (長沙灣)
長沙灣福榮街506-510號榮發閣地下A1號舖
張貼
