影片
更多
2019-09-06
513 瀏覽
好耐都冇帶埋阿囝同好朋友食晚飯，我地想試下新野，又想偽文青影下相打咭，在Instagram找到呢間位於長沙灣的 @wongkitchen.yolo 雙生館，看IG被佢嘅Pancakes相吸引著，一於去試下啦！ 一來到餐廳的環境沒令我失望，很有文青氣息，而且木系裝潢感覺舒服。雙生館坐落在長沙灣與荔枝角交界，雖然唔算近地鐵站，但長沙灣/荔枝角站行過去都唔洗十分鐘，都好方便呀！ 呢日雙生館得一個女店主在店，佢好叻一腳踢！雖然得一個人煮一個人照顧客人，但食物的質素能保持水準，我地覺得整餐飯都好好味！時間或許會等耐少少，但在場的客人都很體諒，女店主又會跟客人有傾有講，這就是小店的味道，不止食物好吃，還有人情味呢！ 流心芝士手工漢堡扒定食 $85這碟是阿囝點的，因為他是個食肉獸，這碟漢堡扒飯好啱佢食！漢堡扒內的芝士不算很多很流心，但漢堡扒加了燒汁很惹味，而且漢堡扒極厚，食肉獸表示很滿足。米飯是穀米，健康又好味；配菜也不錯，我喜歡蛋沙律，好軟棉棉又多蛋！ 水波蛋黑松露白汁鮮菌意粉 $108我好喜歡這個黑松露意粉的味道，混合水波蛋後很多汁juicy，而且超多菇菇，好好味！意粉稍為硬了一點，但因為白汁
好耐都冇帶埋阿囝同好朋友食晚飯，我地想試下新野，又想偽文青影下相打咭，在Instagram找到呢間位於長沙灣的 @wongkitchen.yolo 雙生館，看IG被佢嘅Pancakes相吸引著，一於去試下啦！
一來到餐廳的環境沒令我失望，很有文青氣息，而且木系裝潢感覺舒服。雙生館坐落在長沙灣與荔枝角交界，雖然唔算近地鐵站，但長沙灣/荔枝角站行過去都唔洗十分鐘，都好方便呀！
呢日雙生館得一個女店主在店，佢好叻一腳踢！雖然得一個人煮一個人照顧客人，但食物的質素能保持水準，我地覺得整餐飯都好好味！時間或許會等耐少少，但在場的客人都很體諒，女店主又會跟客人有傾有講，這就是小店的味道，不止食物好吃，還有人情味呢！
流心芝士手工漢堡扒定食 $85這碟是阿囝點的，因為他是個食肉獸，這碟漢堡扒飯好啱佢食！
漢堡扒內的芝士不算很多很流心，但漢堡扒加了燒汁很惹味，而且漢堡扒極厚，食肉獸表示很滿足。米飯是穀米，健康又好味；配菜也不錯，我喜歡蛋沙律，好軟棉棉又多蛋！
水波蛋黑松露白汁鮮菌意粉 $108我好喜歡這個黑松露意粉的味道，混合水波蛋後很多汁juicy，而且超多菇菇，好好味！意粉稍為硬了一點，但因為白汁豐富，所以沒有任何乾澀感，好味呀！
牛油果沙律沙律不算太驚喜，勝在蔬菜新鮮又爽口。
鮮什果空氣朵兒鬆餅 $138 (連飲品)最開心係有Pancakes食，呢碟先係全餐飯嘅重點！
本來店主說晚上不做Pancakes，但因為剛好鄰枱客人訂了，我多口問句可否Order，她說可同時做，所以有得食！幸運呀！
老實講，女店主整的Pancakes好味過尖沙咀新進場果間日本過江龍Pancakes！真係好鬆好軟好好味呀～～～～～
Pancakes充滿空氣感，很香蛋味，不太甜，加了忌廉和蜜糖真好吃，我們三個人要搶來吃！鮮雜果是香橙和蜜瓜，呢個配搭又幾得意，吃到好吃的Pancakes很有幸福的感覺啊！
吃到尾聲時聽到鄰座熟客問店主有什麼甜品推介，店主一說到有牛油曲奇我阿囝就雙眼發光！即刻問店主姐姐拿了一塊來吃，為食的小朋友太搞笑！
小朋友說牛油曲奇好香好脆，吃完滿手牛油香，自家製且新鮮的曲奇好好吃！可是媽媽已飽沒吃到，下次有機會再來這裡吃！
最後點了兩杯花茶完結今晚的晚餐，玫瑰花很美很療癒，消脂消滯，滿足的一餐。離開時在雙生館門前看到有報紙介紹過，原來由２位孖生姊妹為理想，放棄要職而開設，小店主張無味精自家製食品，讓客人吃得健康開心。
我同朋友和阿囝食完都好中意雙生館，食物好味，尤其是Pancakes呀！如果下次出開九龍，都諗住再幫襯，或者來吃Tea，因為IG見到她們的Homemade蛋糕好吸引啊，小店值得多多支持，而且是一家令人感覺幸福且溫暖，又好好味的小店啊～！
張貼
