味道樂居酒屋 (元州街) (已結業)

係明愛醫院覆診後，發現到呢間係附近嘅居酒屋，所以入去試試～食物選擇好多，價錢我覺得都相當合理～座位都闊落舒服～原條成田醬炭火燒鰻魚飯 $148鰻魚迷必需黎食呢個！！！條鰻魚大條到呢，完全長過我成隻手掌～再係鰻魚身上塗上秘製鰻魚汁燒過，香到呢～份量都好足，男士食一客都夠飽～火炙左口魚壽司 $62/2件玉子壽司 $38/2件鰻魚壽司 $48/2件壽司即叫即整，飯都仲係暖身，有誠意～個人最中意係火炙左口魚壽司，一入口即溶化，成口香濃嘅魚油，好正～牛肉壽喜燒 $148正宗壽喜燒，甜甜的～牛肉好香而重量好多，配菜有日本生雞蛋黃、豆腐、野菜、大蔥同蒟蒻麵～湯頭太正，差啲想叫多碗烏冬～