影片
更多
2024-09-01
222 瀏覽
上次行過餐廳門口覺得啲裝修好靚好吸引，以為係居酒屋，點知係食壽喜燒。諗住搵次就過嚟試吓，一試真係覺得值得寫返篇嘢推薦俾大家，唔淨止啲裝修，啲嘢食都好高質，同埋覺得係有俾心機去諗。啲店員都好nice，係我影緊相嘅時候係咁話我係影相擔當，搞到我都唔係幾好意思。‣ 岩手縣和牛 & 頂級美國極黑牛頸脊壽喜燒黑松露燉飯 $548和牛真係和牛，搭配壽喜燒汁真係冇得彈，撈埋蛋液一齊入口，極致滑溜，連帶啲油香味都提升咗去另一個層次。而牛頸脊相對上口感紮實少少，但係個牛味就好出，入口都係好滑好舒服。最正係有專人幫你燒埋，唔使擔心自己燒壞咗塊牛肉。而佢嘅黑松露燉飯喺個職員不斷攪拌嘅時候，已經散發出極濃郁嘅黑松露味，而收乾醬汁嘅時候食就覺得超邪惡同埋不得了，超級好食，個味道超級濃郁，而且仲吸收咗啲牛嘅精華，真係停都停唔到口。· 小食（雞皮餃子 & 明太子玉子燒）平時啲雞皮餃子冇咁大隻，呢度啲雞皮餃子脆卜卜得嚟都大大隻，食落去嘅時候啖啖肉好滿足。至於明太子玉子燒嘅明太子醬整得好好食，佢嘅玉子燒雖然個味道偏甜，但係都符合我嘅口味。· 刺身拼盤個串燒拼盤轉咗做刺身拼盤，啲魚生相當新鮮，我幾鍾意赤蝦，厚肉而且唔腥。
‣ 岩手縣和牛 & 頂級美國極黑牛頸脊壽喜燒黑松露燉飯 $548
和牛真係和牛，搭配壽喜燒汁真係冇得彈，撈埋蛋液一齊入口，極致滑溜，連帶啲油香味都提升咗去另一個層次。而牛頸脊相對上口感紮實少少，但係個牛味就好出，入口都係好滑好舒服。最正係有專人幫你燒埋，唔使擔心自己燒壞咗塊牛肉。
而佢嘅黑松露燉飯喺個職員不斷攪拌嘅時候，已經散發出極濃郁嘅黑松露味，而收乾醬汁嘅時候食就覺得超邪惡同埋不得了，超級好食，個味道超級濃郁，而且仲吸收咗啲牛嘅精華，真係停都停唔到口。
· 小食（雞皮餃子 & 明太子玉子燒）
平時啲雞皮餃子冇咁大隻，呢度啲雞皮餃子脆卜卜得嚟都大大隻，食落去嘅時候啖啖肉好滿足。至於明太子玉子燒嘅明太子醬整得好好食，佢嘅玉子燒雖然個味道偏甜，但係都符合我嘅口味。
· 刺身拼盤
個串燒拼盤轉咗做刺身拼盤，啲魚生相當新鮮，我幾鍾意赤蝦，厚肉而且唔腥。而三文魚、油甘魚同八爪魚入口都係好舒服，絕對唔會有冰感。覺得都幾驚喜，因為如果係串燒都會擔心有啲膩，反而轉刺身又會清新啲，又會冇咁大罪惡感。
· 菠蘿百香果乳酪烏龍 ＋$30
菠蘿百香果乳酪好清新，我覺得最特別係你會分別飲得出菠蘿、百香果同埋乳酪嘅味道，最後帶出少少嘅茶味，解膩一流。
· 青提乳酪烏龍 ＋$30
我自己比較鍾意青提乳酪，入面真係有大大粒果肉，酸甜適中，都係比較清新嘅嘢飲，就算食啲好膩嘅嘢都唔怕。
· 開心果椰奶雜莓冰 ＋$128
一上枱嘅時候就「嘩」出聲，賣相相當吸引同埋份量都好足，粉紅色嘅鯛魚燒我以為咬落去會係軟腍腍，點知係士多啤梨味嘅脆餅，比我想像中好食。開心果醬味道相當濃郁，而且我好鍾意佢嘅冰底係椰奶，唔會話淡茂茂唔知自己食緊咩。中間佢都放咗好多雜莓，平衡返個甜膩感，所以不知不覺就食咗好多，我哋最後都係唔捨得食個牛奶妹，擺喺到真係好好睇。
張貼
