阿來泰式地道風味 (已結業)

長沙灣呢一邊唔係好覺得有好多泰國餐廳，每次想食泰國嘢都會過嚟呢度。今次試咗佢哋嘅椰汁雞湯，推介，入邊雞肉超級多，椰汁味好香，食完鹹嘢飲返呢個湯中和非常好，飲洛口好順滑！另外叫咗生菜包，不過好似少咗炒米，食落口爭啲嘢咁，不過整體來講都幾好食，生菜都幾新鮮，個肉仲有啲汁唔會好乾跟住仲叫咗個炒粉絲，個味道都幾得意，有啲似茄汁，但係又唔係茄汁，叫做suki汁，鍾意酸酸甜甜嘅朋友可以試吓呢一個，整體來講都幾抵食！