BOM Cuisine (已結業)

今日放假，母親大人話想食西餐，就黎到位於長沙灣青山道的Bom Cuisine。(之後先知原來係食葡國菜)我地一點左右去到唔駛等位，但一路就陸陸續續有人黎，好快就坐滿了。店員遞上Menu, 好多選擇，我揀左美國豬肉眼扒，而母親大人就揀左澳洲肉眼牛扒，但佢唔敢食太生，所以揀左7成熟。首先店員送上是日餐湯︰南瓜湯同鮮榨西瓜汁。南瓜湯淡淡地，連我平時唔鍾意食南瓜的都飲得哂。而西瓜汁係Special offer, 叫什餐就一杯，好耐無飲過，好重西瓜味，仲有D西瓜蓉~主菜上場，先係澳洲肉眼西瓜汁扒 ，母親大人擔心七成熟會好硬，但竟然唔會，好淋好易切，肉質都嫩滑，牛肉味香濃，而肉眼扒配上波特酒汁的酒香亦更能帶出牛肉的鮮肉味，配搭特別。另一主菜係美國豬肉眼扒，扒好厚身，好juicy, 軟硬度剛剛好，好有口感，而配的焦糖蘋果都好特別~最後仲有細細件的提拉米蘇甜品及餐飲，特別一提，我揀左奶茶，奶係分開上，可以跟個人喜好自己選擇落幾多，而杯奶係好重鮮奶香味!!兩個人食左$196, 價錢可以接受啦~