甜記餃子 (已搬遷) 新店位置

是日行過長沙灣區，因為好鍾意食餃子所以撞入去。店內雖然不大但樓底好高，亦坐得好舒服，一d都唔逼。唔算好肚餓，叫左牛肉煎餃、羊肉煎餃雙拼，羊肉煎餃一入口超重羊味，重要爆汁超好食！羊愛好者必叫。牛肉煎餃個味比較清但都同樣爆汁好好食。餃子大細岩岩好，而且唔會好似出面好多舖勁厚皮，皮同餡既比例岩岩好。如果肚餓可以加少少錢加個面底，但我想叫多個小食所以無加到小食選擇好多，個日無咁想食辣所以叫左醉豬手，平時多數食德國個種炸豬手，估唔到呢種醉豬手更多食！酒味唔會太濃太淡岩岩好，非常入味。食落一d都唔肥膩反而好有咬口，岩曬我鍾意補充骨膠原。同老闆傾左兩句，原來先開咗無一個月，未來仲會想推多幾款小食。講真差唔多價錢如果唔想食茶餐廳咁悶不如黎呢到食d有誠意既野，高水準小店值得大家既支持！