回憶客棧

營業中

休息中

今次黎到長沙灣既回愔客棧食佢個串燒，同海鮮湯米線，雖然位置就比較偏遠，但原來都爆曬場，最後仲要等左成粒鐘先入得，可想言之有幾旺場，唔少人都特登揸車過黎食，都可以話係長沙灣隱世美食。雖然舖頭細細，但睇得出裝修都幾有心思，貼左個日本街道既場牆紙，好有氣氛，而且一路食一路仲可以聽住流行曲，加上牆上都唔少相，好有去左旅行青年旅社既感覺。食物方面，呢度就主打串燒，即叫既燒，所以都唔好期望會即刻有，但呢d等待都係值得既，因為呢度燒既火喉同調味，都做得幾唔錯，d肉醃得幾入味咁去燒，食落好有風味，唔知佢係咪用炭火燒，有種炭香味。另外就食左個海鮮湯底＋花蟹既透明米粉，湯底好夠味，而且有得擇辣度，有少少辣咁食好惹味。整體黎講，都算幾唔錯。