會長之家烤肉

營業中

休息中

之前經過都好想試嘅韓燒終於試到啦！環境闊落走懷舊路線，重要嘅係食物夠新鮮😋前菜已有基本嘅泡菜，牛蒡，青瓜同大豆芽🥒🌱🥬，咬落口爽脆夠哂入味！燒肉方面叫左豬🐖、🐃牛同鰻魚🐟1️⃣韓式燒鰻魚🐟厚切鰻魚未燒時已見到層層肉，肉質結實，外皮光滑😳，燒完咬落口多肉汁，好味！2️⃣熟成西班牙黑毛豬梅頭🐖經過26日dry aged 嘅肉燒完咬落口有淡淡酒香😋，梅頭肉質鮮嫩，唔算太肥，燒完配上生菜係超好味唔膩！3️⃣西班牙黑毛豬肩甲肉🐖豬肩甲肉肉質比較實淨，但燒完味落去都充滿豬肉香味😋而且脂肪分布都好平均！4️⃣鹿兒島A4和牛三角小排🐃A4和牛雪花紋超靚😍，一擺上燒烤爐，油脂香慢慢滲出黎！輕輕一燒就已經食得！係入口即溶🥰5️⃣美國牛舌芯🐃雖然佢係薄薄一片，但牛舌味濃郁😚，而且夠煙韌，都已經好滿足😌店員仲會親自幫你燒，掌握火喉同控制時間👍🏽，服務一流！