影片
更多
2023-04-01
146 瀏覽
長沙灣近年進駐很多有創意的新派餐廳，今次介紹的餐廳是由年輕廚師團隊創新將西餐烹調添加泰式風味。裝修風格是簡約文青風，小店約有7張4人和2人枱，燈光柔和、溫馨舒適。餐單方面有套餐和單點選擇。佢嘅4-course special menu非常抵食，最貴都係$138，已包頭盤、餐湯、主菜、甜品，仲有特飲，連埋加一人均都係$150左右👏。餐廳亦有提供素食和低醣餐單，適合各類型人士享用。單點午市會送是日餐湯或特飲，晚餐仲可以加$20配是日餐湯，沙律及特飲，加$28仲可以轉蟹肉龍蝦湯，真係好吸引😍 我同朋友選擇左一個4-course special menu同單點加$20配是日餐湯，沙律及特飲😊頭盤：✨泰式燒菠蘿沙律🍍燒到焦糖面的菠蘿甜味突出，沙律菜好新鮮爽脆，仲有粟米粒。✨泰式青木瓜沙律🥗青木瓜沙律爽口， 食落好清新爽脆。餐湯：✨青咖哩雜菌忌廉湯呢個湯非常足料，有好多大大粒蘑菇粒，飲落微微辣，原來加入咗青咖喱落忌廉湯，味道有驚喜👍主菜：✨冬陰功大蝦意粉 $138兩隻虎蝦🦐好大隻，蝦肉鮮味爽口，意粉同草菇份量好多，加入冬陰功醬煮出黎嘅意粉酸酸辣辣非常惹味，叫微辣都有一定辣度🌶️，而且仲食到啲香茅味，
餐單方面有套餐和單點選擇。佢嘅4-course special menu非常抵食，最貴都係$138，已包頭盤、餐湯、主菜、甜品，仲有特飲，連埋加一人均都係$150左右👏。餐廳亦有提供素食和低醣餐單，適合各類型人士享用。單點午市會送是日餐湯或特飲，晚餐仲可以加$20配是日餐湯，沙律及特飲，加$28仲可以轉蟹肉龍蝦湯，真係好吸引😍
我同朋友選擇左一個4-course special menu同單點加$20配是日餐湯，沙律及特飲😊
頭盤：
✨泰式燒菠蘿沙律🍍
燒到焦糖面的菠蘿甜味突出，沙律菜好新鮮爽脆，仲有粟米粒。
✨泰式青木瓜沙律🥗
青木瓜沙律爽口， 食落好清新爽脆。
餐湯：
✨青咖哩雜菌忌廉湯
呢個湯非常足料，有好多大大粒蘑菇粒，飲落微微辣，原來加入咗青咖喱落忌廉湯，味道有驚喜👍
主菜：
✨冬陰功大蝦意粉 $138
兩隻虎蝦🦐好大隻，蝦肉鮮味爽口，意粉同草菇份量好多，加入冬陰功醬煮出黎嘅意粉酸酸辣辣非常惹味，叫微辣都有一定辣度🌶️，而且仲食到啲香茅味，同埋醬汁充分融合意粉，均勻掛汁又整得幾乾身好味。
✨安格斯牛扒伴紅咖哩焗薯蓉$138
真心覺得超值，牛扒好大塊，表面煎得好香，食落有咬口，內裡充滿肉汁，好食😋。薯蓉口感濕潤食落好輕身，好易食。紅咖哩香而不辣，相信小朋友都食到。性價比好高。
甜品：
✨朱古力泡芙（應該係）
餐廳竟然忘記俾我，但係因為食得太飽，自己都唔記得咗呢件事🫣
特飲：
餐廳配的飲品不是普通的凍奶茶或凍檸茶，係比較特別的特飲，揀咗以下呢兩個：
✨芒果乳酪特飲（凍）
似芒果汁加益力多，係好味嘅。
✨蝶豆花青檸特飲（凍）
青檸加梳打水，加埋好靚嘅蝶豆花藍色，正常發揮。
整體呢間新派泰式餐廳cp值高，食物水準好，人均消費大約$150左右，仲有其他菜式都好吸引，行過附近都推薦試吓！
📍地址：長沙灣順寧道98號美寧中心A座地下2號舖（港鐵長沙灣站 A2 出口,步行約5分鐘）
☎️電話：39983738 /65944209 (WhatsApp)
🕰️營業時間：星期二至日 12:30-5:30 18:00-22:30
張貼
