蘇亞印度餐廳

營業中

休息中

我細細個就嚟呢間餐廳食，每次跟屋企人都係嗌二人餐或者四人餐，都好食嘅，不過選擇少有啲悶。呢間餐廳真係非常家庭式經營，燈光有啲暗，裝修同埋服務梗係唔似高級餐廳咁樣啦。啲屋企人冇嘢做會坐喺度睇電視，仲有時有講有笑，所以好有街坊餐廳感覺。味道都幾正宗，唯一唔正宗嘅就係個辣度可以畀你揀，揀唔辣都得 🤣。平時我都好鐘意食印度菜，呢間餐廳嘅餐牌都有好多出面印度餐廳有嘅菜式。今日同男朋友去，終於可以試散叫。叫咗Chicken Tikka Masala, Lamb Korma, Naan, Rotti, Mango Lassi。最推介就係Chicken Tikka Masala，個雞肉有炭香味，同個creamy嘅汁好夾。我才疏學淺唔識印度香料嘅名，唔識得詳細啲形容。Lamb Korma個汁好味，可惜啲羊就細粒咗啲。不過印度菜最就要都係食個汁，冇所謂啦。個Naan同Rotti都係新鮮整，我鐘意Naan多啲。埋單總共$199，我覺得平過出面嘅餐廳。