影片
更多
2012-07-07
273 瀏覽
原本唔識呢間店, 係觀音灣小食店既老板介紹架!!3大2細入去叫小菜, 長洲海鮮正, 呢間只有魚食, 估計應該唔差得去邊, 即管試下!!叫了薑沖蒸黃立倉, 超新鮮, 成條魚o的肉唔老, 唔"鞋", 有魚味, 連"每事彈"既阿媽都係o甘盛讚條魚, 100分滿分!!!炸肉排, 好大碟, 至少有5塊豬排, 即時煎炸, 熱喇喇, 係新鮮豬肉無雪藏味, 可以一試!!第3個小菜係涼瓜炒魚鬆, 涼瓜有少少老, 即係有渣, 魚鬆係一般魚肉加粉, 無咩特別.最抵係3樣小菜套餐都係$150有找, 係晚飯快餐來講絕對超值!! 一定要比LIKE!!
題外話/補充資料：
快餐店既衛生同環境係個種舊式屋村快餐店, 殘殘舊舊, 坐位少坐得逼, 若介意就唔好選, 小店有地道風味, 好多本地長洲人幫襯, 食o甘耐忙o甘耐. 唔好食就唔會有O甘多人幫襯既!!
(以上食評乃用戶個人意見 , 並不代表OpenRice之觀點。)
張貼
