長洲冰室

營業中

休息中

#甜品eatcovery💡長洲必食嘅甜品💯相信好多人同小編一樣好耐都無機會出走，無得去旅行，餓左好耐，今次就由小編帶大家放假黎到長洲止下餓先，頂住檔。相信大家都知長洲有好多好野食，幾大個胃都唔夠裝，但甜品係女仔不可或缺嘅一部分❤，永遠都有另一個胃等緊佢咁，今次終於試到長洲另一代表店-長洲冰室😋😋🍽 仙草黑糖三色圓冰男小編一直都鍾情三色冰，見到一個絕配組合，圓冰有大量薏米、西米同紅豆，再配埋上面好大舊同濃郁既芋泥，隔離仲有芋圓， 真係望到已經流曬口水。而且，圓冰好體貼咁用左黑糖做冰底，咁就唔怕整係得上面有黑糖味，食到最後無啦。 另外三色芋圓非常煙韌，好有咬口。🍽 泰式奶茶三色圓冰熱愛泰國美食嘅小編又點會放過以泰式奶茶做招牌嘅甜品。絕對無令小編失望！冰底係泰式奶茶味，茶味好出，好似飲緊泰奶咁，即使食到一半啲冰溶左， 泰式奶茶味仲好濃郁。而且唔會太甜，甜度啱啱好。仲有大量芋圓同紅豆，芋圓好煙韌，加埋香濃嘅雲呢拿雪糕，比起一般剉冰，口感更豐富！ps. 雖然小編覺得六十幾蚊一個糖水有啲貴， 但難得入到長洲，點都要豪一次。推介度：⭐️⭐️⭐️⭐️⭐️ 📍 長洲冰室長洲北社海旁19C號地下